श्री शुक उवाच -
एवं व्यवसितो बुद्ध्या समाधाय मनो हृदि ।
जजाप परमं जाप्यं प्राग्जन्मन्यनुशिक्षितम ॥१॥
गजेन्द्र उवाच -
ऊं नमो भगवते तस्मै यत एतच्चिदात्मकम ।
पुरुषायादिबीजाय परेशायाभिधीमहि ॥२॥
यस्मिन्निदं यतश्चेदं येनेदं य इदं स्वयं ।
योस्मात्परस्माच्च परस्तं प्रपद्ये स्वयम्भुवम ॥३॥
यः स्वात्मनीदं निजमाययार्पितं
क्वचिद्विभातं क्व च तत्तिरोहितम ।
अविद्धदृक साक्ष्युभयं तदीक्षते
स आत्म मूलोsवत् मां परात्परः ॥४॥
कालेन पंचत्वमितेषु कृत्स्नशो
लोकेषु पालेषु च सर्व हेतुषु ।
तमस्तदाऽऽऽसीद गहनं गभीरं
यस्तस्य पारेsभिविराजते विभुः ॥५॥
न यस्य देवा ऋषयः पदं विदु-
र्जन्तुः पुनः कोsर्हति गन्तुमीरितुम ।
यथा नटस्याकृतिभिर्विचेष्टतो
दुरत्ययानुक्रमणः स मावतु ॥६॥
दिदृक्षवो यस्य पदं सुमंगलम
विमुक्त संगा मुनयः सुसाधवः ।
चरन्त्यलोकव्रतमव्रणं वने
भूतात्मभूता सुहृदः स मे गतिः ॥७॥
न विद्यते यस्य न जन्म कर्म वा
न नाम रूपे गुणदोष एव वा ।
तथापि लोकाप्ययसम्भवाय यः
स्वमायया तान्यनुकालमृच्छति ॥८॥
तस्मै नमः परेशाय ब्रह्मणेsनन्तशक्तये ।
अरूपायोरुरूपाय नम आश्चर्य कर्मणे ॥९॥
नम आत्म प्रदीपाय साक्षिणे परमात्मने ।
नमो गिरां विदूराय मनसश्चेतसामपि ॥१०॥
सत्त्वेन प्रतिलभ्याय नैष्कर्म्येण विपश्चिता ।
नमः कैवल्यनाथाय निर्वाणसुखसंविदे ॥११॥
नमः शान्ताय घोराय मूढाय गुण धर्मिणे ।
निर्विशेषाय साम्याय नमो ज्ञानघनाय च ॥१२॥
क्षेत्रज्ञाय नमस्तुभ्यं सर्वाध्यक्षाय साक्षिणे ।
पुरुषायात्ममूलाय मूलप्रकृतये नमः ॥१३॥
सर्वेन्द्रियगुणद्रष्ट्रे सर्वप्रत्ययहेतवे ।
असताच्छाययोक्ताय सदाभासाय ते नमः ॥१४॥
नमो नमस्तेsखिल कारणाय
निष्कारणायाद्भुत कारणाय ।
सर्वागमान्मायमहार्णवाय
नमोपवर्गाय परायणाय ॥१५॥
गुणारणिच्छन्न चिदूष्मपाय
तत्क्षोभविस्फूर्जित मानसाय ।
नैष्कर्म्यभावेन विवर्जितागम-
स्वयंप्रकाशाय नमस्करोमि ॥१६॥
मादृक्प्रपन्नपशुपाशविमोक्षणाय
मुक्ताय भूरिकरुणाय नमोsलयाय ।
स्वांशेन सर्वतनुभृन्मनसि प्रतीत-
प्रत्यग्दृशे भगवते बृहते नमस्ते ॥१७॥
आत्मात्मजाप्तगृहवित्तजनेषु सक्तै-
र्दुष्प्रापणाय गुणसंगविवर्जिताय ।
मुक्तात्मभिः स्वहृदये परिभाविताय
ज्ञानात्मने भगवते नम ईश्वराय ॥१८॥
यं धर्मकामार्थविमुक्तिकामा
भजन्त इष्टां गतिमाप्नुवन्ति ।
किं त्वाशिषो रात्यपि देहमव्ययं
करोतु मेsदभ्रदयो विमोक्षणम् ॥१९॥
एकान्तिनो यस्य न कंचनार्थ
वांछन्ति ये वै भगवत्प्रपन्नाः ।
अत्यद्भुतं तच्चरितं सुमंगलं
गायन्त आनन्द समुद्रमग्नाः ॥२०॥
तमक्षरं ब्रह्म परं परेश-
मव्यक्तमाध्यात्मिकयोगगम्यम ।
अतीन्द्रियं सूक्ष्ममिवातिदूर-
मनन्तमाद्यं परिपूर्णमीडे ॥२१॥
यस्य ब्रह्मादयो देवा वेदा लोकाश्चराचराः ।
नामरूपविभेदेन फल्ग्व्या च कलया कृताः ॥२२॥
यथार्चिषोsग्नेः सवितुर्गभस्तयो
निर्यान्ति संयान्त्यसकृत् स्वरोचिषः ।
तथा यतोsयं गुणसंप्रवाहो
बुद्धिर्मनः खानि शरीरसर्गाः ॥२३॥
स वै न देवासुरमर्त्यतिर्यंग
न स्त्री न षण्डो न पुमान न जन्तुः ।
नायं गुणः कर्म न सन्न चासन
निषेधशेषो जयतादशेषः ॥२४॥
जिजीविषे नाहमिहामुया कि-
मन्तर्बहिश्चावृतयेभयोन्या ।
इच्छामि कालेन न यस्य विप्लव-
स्तस्यात्मलोकावरणस्य मोक्षम ॥२५॥
सोsहं विश्वसृजं विश्वमविश्वं विश्ववेदसम ।
विश्वात्मानमजं ब्रह्म प्रणतोsस्मि परं पदम् ॥२६॥
योगरन्धित कर्माणो हृदि योगविभाविते ।
योगिनो यं प्रपश्यन्ति योगेशं तं नतोsस्म्यहम् ॥२७॥
नमो नमस्तुभ्यमसह्यवेग-
शक्तित्रयायाखिलधीगुणाय ।
प्रपन्नपालाय दुरन्तशक्तये
कदिन्द्रियाणामनवाप्यवर्त्मने ॥२८॥
नायं वेद स्वमात्मानं यच्छ्क्त्याहंधिया हतम् ।
तं दुरत्ययमाहात्म्यं भगवन्तमितोsस्म्यहम् ॥२९॥
श्री शुकदेव उवाच -
एवं गजेन्द्रमुपवर्णितनिर्विशेषं
ब्रह्मादयो विविधलिंगभिदाभिमानाः ।
नैते यदोपससृपुर्निखिलात्मकत्वात
तत्राखिलामरमयो हरिराविरासीत् ॥३०॥
तं तद्वदार्त्तमुपलभ्य जगन्निवासः
स्तोत्रं निशम्य दिविजैः सह संस्तुवद्भि : ।
छन्दोमयेन गरुडेन समुह्यमान –
श्चक्रायुधोsभ्यगमदाशु यतो गजेन्द्रः ॥३१॥
सोsन्तस्सरस्युरुबलेन गृहीत आर्त्तो
दृष्ट्वा गरुत्मति हरिम् ख उपात्तचक्रम ।
उत्क्षिप्य साम्बुजकरं गिरमाह कृच्छा –
नारायणाखिलगुरो भगवन्नमस्ते ॥३२॥
तं वीक्ष्य पीडितमजः सहसावतीर्य
सग्राहमाशु सरसः कृपयोज्जहार ।
ग्राहाद् विपाटितमुखादरिणा गजेन्द्रं
सम्पश्यतां हरिरमूमुच दुस्त्रियाणाम् ॥३३॥
- श्री गजेन्द्र कृत भगवान का स्तवन
shri shuk uvaach -
evan vyavasito buddhaya samaadhaay mano haradi .
jajaap paraman jaapyan praagjanmanyanushikshitam ..1..
gajendr uvaach -
oon namo bhagavate tasmai yat etachchidaatmakam .
purushaayaadibeejaay pareshaayaabhidheemahi ..2..
yasminnidan yatashchedan yenedan y idan svayan .
yosmaatparasmaachch parastan prapadye svayambhuvam ..3..
yah svaatmaneedan nijamaayayaarpitan
kvchidvibhaatan kv ch tattirohitam .
aviddhadarak saakshyubhayan tadeekshte
s aatm moolosavat maan paraatparah ..4..
kaalen panchatvamiteshu kritsnsho
lokeshu paaleshu ch sarv hetushu .
tamastadaa'''seed gahanan gbheeran
yastasy paaresbhiviraajate vibhuh ..5..
n yasy deva rishayah padan vidu-
rjantuh punah kosarhati gantumeeritum .
ytha natasyaakritibhirvicheshtato
duratyayaanukramanah s maavatu ..6..
didarakshvo yasy padan sumangalam
vimukt sanga munayah susaadhavah .
charantyalokavratamavranan vane
bhootaatmbhoota suharadah s me gatih ..7..
n vidyate yasy n janm karm vaa
n naam roope gunadosh ev va .
tthaapi lokaapyayasambhavaay yah
svamaayaya taanyanukaalamarachchhati ..8..
tasmai namah pareshaay brahamanesanantshaktaye .
aroopaayoruroopaay nam aashchary karmane ..9..
nam aatm pradeepaay saakshine paramaatmane .
namo giraan vidooraay manasashchetasaamapi ..10..
sattven pratilabhyaay naishkarmyen vipashchita .
namah kaivalyanaathaay nirvaanasukhasanvide ..11..
namah shaantaay ghoraay moodhaay gun dharmine .
nirvisheshaay saamyaay namo gyaanghanaay ch ..12..
kshetrgyaay namastubhyan sarvaadhayakshaay saakshine .
purushaayaatmamoolaay moolaprakritaye namah ..13..
sarvendriyagunadrashtre sarvapratyayahetave .
asataachchhaayayoktaay sadaabhaasaay te namah ..14..
namo namasteskhil kaaranaay
nishkaaranaayaadbhut kaaranaay .
sarvaagamaanmaayamahaarnavaay
namopavargaay paraayanaay ..15..
gunaaranichchhann chidooshmapaay
tatkshobhavisphoorjit maanasaay .
naishkarmybhaaven vivarjitaagam-
svayanprakaashaay namaskaromi ..16..
maadarakprapannapshupaashavimokshnaay
muktaay bhoorikarunaay namosalayaay .
svaanshen sarvatanubharanmanasi prateet-
pratyagdarshe bhagavate barahate namaste ..17..
aatmaatmajaaptagarahavittajaneshu saktai-
rdushpraapanaay gunasangavivarjitaay .
muktaatmbhih svaharadaye paribhaavitaay
gyaanaatmane bhagavate nam eeshvaraay ..18..
yan dharmakaamaarthavimuktikaamaa
bhajant ishtaan gatimaapnuvanti .
kin tvaashisho raatyapi dehamavyayan
karotu mesadabhradayo vimokshnam ..19..
ekaantino yasy n kanchanaarth
vaanchhanti ye vai bhagavatprapannaah .
atyadbhutan tachcharitan sumangalan
gaayant aanand samudramagnaah ..20..
tamakshran braham paran paresh-
mavyaktamaadhayaatmikayogagamyam .
ateendriyan sookshmamivaatidoor-
manantamaadyan paripoornameede ..21..
yasy brahamaadayo deva veda lokaashcharaacharaah .
naamaroopavibheden phalgvya ch kalaya kritaah ..22..
ythaarchishosagneh saviturgbhastayo
niryaanti sanyaantyasakrit svarochishah .
ttha yatosayan gunasanpravaaho
buddhirmanah khaani shareerasargaah ..23..
s vai n devaasuramartyatiryang
n stri n shando n pumaan n jantuh .
naayan gunah karm n sann chaasan
nishedhshesho jayataadsheshah ..24..
jijeevishe naahamihaamuya ki-
mantarbahishchaavritayebhayonya .
ichchhaami kaalen n yasy viplav-
stasyaatmalokaavaranasy mokshm ..25..
sosahan vishvasarajan vishvamavishvan vishvavedasam .
vishvaatmaanamajan braham pranatosasmi paran padam ..26..
yogarandhit karmaano haradi yogavibhaavite .
yogino yan prapashyanti yogeshan tan natosasmyaham ..27..
namo namastubhyamasahayaveg-
shaktitryaayaakhildheegunaay .
prapannapaalaay durantshaktaye
kadindriyaanaamanavaapyavartmane ..28..
naayan ved svamaatmaanan yachchhktyaahandhiya hatam .
tan duratyayamaahaatmyan bhagavantamitosasmyaham ..29..
shri shukadev uvaach -
evan gajendramupavarnitanirvisheshan
brahamaadayo vividhalingbhidaabhimaanaah .
naite yadopasasarapurnikhilaatmakatvaat
tatraakhilaamaramayo hariraaviraaseet ..30..
tan tadvadaarttamupalabhy jagannivaasah
stotrn nishamy divijaih sah sanstuvadbhi : .
chhandomayen garuden samuhayamaan
shchakraayudhosabhyagamadaashu yato gajendrah ..31..
sosantassarasyurubalen garaheet aartto
darashtva garutmati harim kh upaattchakram .
utkshipy saambujakaran giramaah krichchha
naaraayanaakhilaguro bhagavannamaste ..32..
tan veekshy peeditamajah sahasaavateery
sagraahamaashu sarasah kripayojjahaar .
graahaad vipaatitamukhaadarina gajendran
sampashyataan hariramoomuch dustriyaanaam ..33..
- shri gajendr krit bhagavaan ka stavan
