खरे आदमी मुहे पै कैह दें टल्या नहीं करते,
भई की अब खर मैं हो तै जल्या नहीं करते,

खरे आदमी मुहे पै कैह दें टल्या नहीं करते,
भई की अब खर मैं हो तै जल्या नहीं करते,

ईज्जत मान पुत्र धन मिलता कर्मां के बांटे तै,
गृहस्थी जन्म सफल होज्या सै अतिथि डाटे तै,
कुल की आन रेत मैं रल ज्या कुणबे के पाटे तै,
घरबारी कै बट्टा लागै सै भूखे नै नाटे तै,
औरां का गल काटे तै कदे फल्या नहीं करते,

ये तीनों चीज मर्द बिन सुनी धरती, धन और घोड़ी,
दुनियां में कितै मिलती कोन्या काग हंस की जोड़ी,
जो अपणी आप बड़ाई करते हो उन की ईज्जत थोड़ी,
बैरी कांटा रड़कै रात नै जैसे आंख में रोड़ी,
पत्थरां कै म्हां लाल किरोड़ी कदे रला नहीं करते,

जिन की रयत सुख पावै हो भक्ति सफल नृप की,
शुद्ध बाणी के बाल उच्चारण हो सै पकड़ हरफ की,
जो मिल कै दगा करै प्यारे तै भोगै जगह सर्प की,
ये पांडव रोज जिक्र करते हैं दुर्योधन तेरे तरफ की,
हो राजा पाझार ढ़ाल बर्फ की गल्यां नहीं करते,

कर्मां के अनुसार करैं सब अपणे अपणे धन्धे नै,
किसै की जिनस मंहगी बिकज्या कोए रोवै मन्दे नै,
बड़े बड़यां के मन मोह लिए इस माया के फन्दे नै,
कह मेहर सिंह वो पणमेशर नेत्र दे अन्धे नै,
अपणे तै हिणे बन्दे नै कदे दल्या नहीं करते,

संदीप स्वामी


bhai ji ab shikhar me ho to jalaya nhi karte

khare aadami muhe pai kaih den talya nahi karate,
bhi ki ab khar mainho tai jalya nahi karate

eejjat maan putr dhan milata karmaan ke baante tai,
garahasthi janm sphal hojya sai atithi daate tai,
kul ki aan ret mainral jya kunabe ke paate tai,
gharabaari kai batta laagai sai bhookhe nai naate tai,
auraan ka gal kaate tai kade phalya nahi karate

ye teenon cheej mard bin suni dharati, dhan aur ghodi,
duniyaan me kitai milati konya kaag hans ki jodi,
jo apani aap badaai karate ho un ki eejjat thodi,
bairi kaanta radakai raat nai jaise aankh me rodi,
pattharaan kai mhaan laal kirodi kade rala nahi karate

jin ki rayat sukh paavai ho bhakti sphal narap ki,
shuddh baani ke baal uchchaaran ho sai pakad harph ki,
jo mil kai daga karai pyaare tai bhogai jagah sarp ki,
ye paandav roj jikr karate hain duryodhan tere tarph ki,
ho raaja paajhaar dahaal barph ki galyaan nahi karate

karmaan ke anusaar karain sab apane apane dhandhe nai,
kisai ki jinas manhagi bikajya koe rovai mande nai,
bade badayaan ke man moh lie is maaya ke phande nai,
kah mehar sinh vo panameshar netr de andhe nai,
apane tai hine bande nai kade dalya nahi karate

khare aadami muhe pai kaih den talya nahi karate,
bhi ki ab khar mainho tai jalya nahi karate



SOURCE:
 http://www.yugalsarkar.com/lyrics/bhai-ji-ab-shikhar-me-ho-to-jalaya-nhi-karte-Lyrics