बीर बानिया पुलिस ड्राइवर नहीं किसे के प्यारे,
भीतरले का भेद नहीं दे मिठे बोलैं सारे,

बीर बानिया पुलिस ड्राइवर नहीं किसे के प्यारे,
भीतरले का भेद नहीं दे मिठे बोलैं सारे,

इन बीरां के कारण लोगो आग लंक म्हं लागी,
गौतम के घर गया चन्द्रमां बण्या दुष्ट निर्भागी,
बाली और सुग्रीव चले गये राड़ बीर पै जागी,
बड़े बड़े ऋषि मुनि हुए त्यागी और बैरागी,
जिसनै करया प्रेम वीर तै वैं नर धोखे म्हं मारे,

जिसतै ज्ञान राम नैं दिया वो नादान नहीं सै,
मित्र का कुछ ख्याल करै इतना ज्ञान नहीं सै,
इन चारों तै बढ़कै नैं कोए बेईमान नहीं सै,
शीश काटकै आगै धरदे पर बणीये कै स्यान नहीं सै,
बेशक बालक भूखे मरज्यां पर मेरे दे दे दाम करारे,

जितणी पुलिस की बेईमानी म्हं ईब गिणा द्यूं सारी,
देहली भीतर पां धरते ही तकैं यार की नारी,
मिठै बोलै राजी होकै करवा कै खातिरदारी,
फेर चलती बरियां न्यू सोचैं यो यार मिलै चोर जुवारी,
घाल हथकड़ी आगैं करले दीखैं दिन म्हं तारे,

अन्तकर्ण तै न्यूं बोले भाई नहीं प्रण तैं हालैंगे,
मेरे यार तूं कद कद आवै तेरे ब्याह म्हं मोटर ले चालैंगे,
तेरे पीस्यां का मोटर म्हं तेल तलक ना घालैंगे,
पर छोरे नैं न्युं जाण नहीं थी ये मौके पै टालैंगे,
इन यारों की संगत तज दे मेहरसिंह ये चारो लाजमारे,

मेहरसिंह से रागनी सुनने वाले कुछ ड्राइवर,
उनकी शादी में अपनी मोटर लेकर चलने की कहते थे,
जब शादी की तिथि आई उन्होंने मोटर समेत आने की हामी भर ली, 
परन्तु समय पर नहीं आए जब बैलगाड़ी में बारात गई तथा रास्ते में यह रागणी जोड़ी।

संदीप स्वामी


bir baniya police driver nhi kise ke pyaare

beer baaniya pulis draaivar nahi kise ke pyaare,
bheetarale ka bhed nahi de mithe bolain saare,

in beeraan ke kaaran logo aag lank mhan laagi,
gautam ke ghar gaya chandramaan banya dusht nirbhaagi,
baali aur sugreev chale gaye raad beer pai jaagi,
bade bade rishi muni hue tyaagi aur bairaagi,
jisanai karaya prem veer tai vain nar dhokhe mhan maare,

jisatai gyaan ram nain diya vo naadaan nahi sai,
mitr ka kuchh khyaal karai itana gyaan nahi sai,
in chaaron tai badahakai nain koe beeemaan nahi sai,
sheesh kaatakai aagai dharade par baneeye kai syaan nahi sai,
beshak baalak bhookhe marajyaan par mere de de daam karaare,

jitani pulis ki beeemaani mhan eeb gina dyoon saari,
dehali bheetar paan dharate hi takain yaar ki naari,
mithai bolai raaji hokai karava kai khaatiradaari,
pher chalati bariyaan nyoo sochain yo yaar milai chor juvaari,
ghaal hthakadi aagain karale deekhain din mhan taare,

antakarn tai nyoon bole bhaai nahi pran tain haalainge,
mere yaar toon kad kad aavai tere byaah mhan motar le chaalainge,
tere peesyaan ka motar mhan tel talak na ghaalainge,
par chhore nain nyun jaan nahi thi ye mauke pai taalainge,
in yaaron ki sangat taj de meharasinh ye chaaro laajamaare,

meharasinh se raagani sunane vaale kuchh draaivar,
unaki shaadi me apani motar lekar chalane ki kahate the,
jab shaadi ki tithi aai unhonne motar samet aane ki haami bhar li, 
parantu samay par nahi aae jab bailagaadi me baaraat gi ttha raaste me yah raagani jodi.

sandeep svaamee

SOURCE:
 http://www.yugalsarkar.com/lyrics/bir-baniya-police-driver-nhi-kise-ke-pyaare-Lyrics