जगजननी के जस ला,मै गावाव,अउ सुनावव,
मातेश्री महामाया के,


जगजननी के जस ला,मै गावाव,अउ सुनावव,
मातेश्री महामाया के,
गावाव जस बगरावव घेरी बेरी सोरियावव,

दाई दुरगा के कतको कहानी,सास्थार म अर्थाये,
कलम चलईया पोथी गड़थिस,लिखथिस वेद बताये,
अइसने एक ढन दाई कथा हर,मन भीतरी थिरियाये,
नवरात्रि के महिमा ल संगी,देथे सुरता देवाये,
सुने म बड़ निक लगथे,
अंतस ला जुड़वाव नवरात्रि ला मनावव,
जगजननी के जस ल......

सतवंतिन के सेवा करईया,बामन बपरा रहाये,
जेकर बेटी अपन ददा संग,पूजा बरत निभाये,
संझा बिहनिया चेत लगाके,मईया ला सोरियाये,
एक बेर ओखर बेटी सुमती,पूजा करे नई पाये,
बामन बपरा बड़ खिसियाये,
कइसे तोला थिरियवव।मरम तोला बतावव,
जगजननी के जस ल......

घर बिन जंगल जंगल भटके,कांदी के दशना दसाये,
अइसे करम ल देखके मईया, ठाढहे आगु म आये,
बोलिस बानी मया बटोरे,अनपुरना जग छाये,
सुमति मन अचरज पर जाथे,दाई ल तीर म पाये,
का सेती मोर दुःख ला हरबे,
चिन्हाला चिंहवव।बात फोर फ़हिरावव
जगजननी के जस ला......

सुमति गोढ़ ला सुनके मयारू,मरम ल फेर जनवाये,
पऊर जनम म भीलनी बनके,नव दिन भूखे रहाये,
तोर गोसइया के चोरी के सेती,दुनो कोठरी म जाये,
नव दिन ले बिन अनपानी के,जिनगी अपन चलाये,
नव राति के सेवा बजाये,
भाग अपन संहरावव दाई दुवारी म आवव,
जगजननी के जस ला......

नव दिन पूजा पाठ करे ले पुरखा घलो तर जाथे,
कोड़ही काया निरमल होंगे नवा जनम ल जनाथे,
छाहित होगे महतारी हा,अनधन सुत गठियाथे,
बिपदा परे म लाज बचइया,दाई ल कोन भुलाथे,
गौतम हा तोर आशीष पाये,
चण्डी मंडली म आवव सुरताल ल मिलावव, 
जगजननी के जस ला......

             ॥जय माँ चण्डी सेवा एवं भजन मंडली॥
                गांधी नगर लाखे नगर रायपुर (छ:ग


jagjanni ke jas la main gaawav aau sunaaw

jagajanani ke jas la,mai gaavaav,au sunaavav,
maateshri mahaamaaya ke,
gaavaav jas bagaraavav gheri beri soriyaavav

daai duraga ke katako kahaani,saasthaar m arthaaye,
kalam chaleeya pothi gadthis,likhthis ved bataaye,
aisane ek dhan daai ktha har,man bheetari thiriyaaye,
navaraatri ke mahima l sangi,dethe surata devaaye,
sune m bad nik lagthe,
antas la judavaav navaraatri la manaavav,
jagajanani ke jas l...

satavantin ke seva kareeya,baaman bapara rahaaye,
jekar beti apan dada sang,pooja barat nibhaaye,
sanjha bihaniya chet lagaake,meeya la soriyaaye,
ek ber okhar beti sumati,pooja kare ni paaye,
baaman bapara bad khisiyaaye,
kise tola thiriyavavamaram tola bataavav,
jagajanani ke jas l...

ghar bin jangal jangal bhatake,kaandi ke dshana dasaaye,
aise karam l dekhake meeya, thaadhahe aagu m aaye,
bolis baani maya batore,anapurana jag chhaaye,
sumati man acharaj par jaathe,daai l teer m paaye,
ka seti mor duhkh la harabe,
chinhaala chinhavavabaat phor pahahiraavav
jagajanani ke jas laa...

sumati godah la sunake mayaaroo,maram l pher janavaaye,
poor janam m bheelani banake,nav din bhookhe rahaaye,
tor gosiya ke chori ke seti,duno kothari m jaaye,
nav din le bin anapaani ke,jinagi apan chalaaye,
nav raati ke seva bajaaye,
bhaag apan sanharaavav daai duvaari m aavav,
jagajanani ke jas laa...

nav din pooja paath kare le purkha ghalo tar jaathe,
kodahi kaaya niramal honge nava janam l janaathe,
chhaahit hoge mahataari ha,andhan sut gthiyaathe,
bipada pare m laaj bchiya,daai l kon bhulaathe,
gautam ha tor aasheesh paaye,
chandi mandali m aavav surataal l milaavav,
jagajanani ke jas laa...

jagajanani ke jas la,mai gaavaav,au sunaavav,
maateshri mahaamaaya ke,
gaavaav jas bagaraavav gheri beri soriyaavav



SOURCE:
 http://www.yugalsarkar.com/lyrics/jagjanni-ke-jas-la-main-gaawav-aau-sunaaw-Lyrics