झण्कार विणा री

पत्ते-पत्ते मे झणकार विणा री, 
विणो बजावे म्हारो रामा धणी
हो थाने बाबा खम्मा घणी,
हो म्हारा पीरा खम्मा घणी,
थाने बाबा खम्मा घणी।

रतनो आयो पुगल गढ़ में, लेवण सुगणा बाई,
पडीहारा बिन केद करायो, बैठयो जैल रे माई,
रतने बाबे सु विनती किन्ही, आओ भीड़ पड़ी,
हो थाने बाबा खम्मा घणी.....

मत सताओ रतने ना, आ केवे सुगणा बाई,
जद आवेला बीर रामदे, मेटेला करडाई,
जद बजाई तंदुरे तारा, रेवेला तोपा तणी,
हो थाने बाबा खम्मा घणी.....

लिले चढ़ जद बाबो आया, पुगल गढ़ रे द्वारे,
तोपा मुन्डो फेर लियो, मची हा हा कार सारे,
डोकरडी अरडावण लागी, बक्सो म्हाने रामा धणी,
हो थाने बाबा खम्मा घणी.....

रतनो दोड चरणा सु लाग्यो, सुगणा मां सु मिलाई,
ले मोतीदास गुरु जी रो शरणो, थारी करा मे बढाई,
खाजुवाले रे मामराज री, इती सी अरज सुणी,
हो थाने बाबा खम्मा घणी.....


jhankar veena ri

pattepatte me jhanakaar vina ri,
vino bajaave mhaaro rama dhanee
ho thaane baaba khamma ghani,
ho mhaara peera khamma ghani,
thaane baaba khamma ghanee

ratano aayo pugal gadah me, levan sugana baai,
padeehaara bin ked karaayo, baithayo jail re maai,
ratane baabe su vinati kinhi, aao bheed padi,
ho thaane baaba khamma ghani...

mat sataao ratane na, a keve sugana baai,
jad aavela beer ramde, metela karadaai,
jad bajaai tandure taara, revela topa tani,
ho thaane baaba khamma ghani...

lile chadah jad baabo aaya, pugal gadah re dvaare,
topa mundo pher liyo, mchi ha ha kaar saare,
dokaradi aradaavan laagi, bakso mhaane rama dhani,
ho thaane baaba khamma ghani...

ratano dod charana su laagyo, sugana maan su milaai,
le moteedaas guru ji ro sharano, thaari kara me bdhaai,
khaajuvaale re maamaraaj ri, iti si araj suni,
ho thaane baaba khamma ghani...

pattepatte me jhanakaar vina ri,
vino bajaave mhaaro rama dhanee
ho thaane baaba khamma ghani,
ho mhaara peera khamma ghani,
thaane baaba khamma ghanee



SOURCE:
 http://www.yugalsarkar.com/lyrics/jhankar-veena-ri-Lyrics