मनै भी जाणा सै भोले मनै

ह्मा चाले विष्णु चाले चाले नंदी साथ मैं,
मनै भी जाणा सै भोले मनै ले चल तेरी बरात मैं,

भूत प्रेत आर बागड़ बिल्ले,
सारे साथ मैं चाल पड़े,
देख देख कै इनके थोबड़े,
सबके कालजे हाल पड़े,
सारे जावै बाकी ना इब,
रह री मेरै गात मैं,
मंने भी जाणा सै भोले.......

डी जे ऊपर नाचण का मनै,
चाव कसूता चढ्या पड्या,
तेरै ब्याह के लाडू खाण नै,
मन मेरा भी अड्या खड्या,
तेरै हाथ में डमरू बाजै,
चिमटा मेरै हाथ मैं,
मंने भी जाणा सै भोले....

सावी लिखै भजन तेरे और,
साथ दिनेश भी गावै सै,
तेरी महिमा गा गा कै नै,
जीवन सफल बणावै सै,
सदा राखिए चरणां मैं इस,
भाण भाई के साथ नै,
मंने भी जाणा सै भोले.......


mane bhi jana se bhole mne

hama chaale vishnu chaale chaale nandi saath main,
manai bhi jaana sai bhole manai le chal teri baraat main

bhoot pret aar baagad bille,
saare saath mainchaal pade,
dekh dekh kai inake thobade,
sabake kaalaje haal pade,
saare jaavai baaki na ib,
rah ri merai gaat main,
manne bhi jaana sai bhole...

di je oopar naachan ka manai,
chaav kasoota chdhaya padya,
terai byaah ke laadoo khaan nai,
man mera bhi adya khadya,
terai haath me damaroo baajai,
chimata merai haath main,
manne bhi jaana sai bhole...

saavi likhai bhajan tere aur,
saath dinesh bhi gaavai sai,
teri mahima ga ga kai nai,
jeevan sphal banaavai sai,
sada raakhie charanaan mainis,
bhaan bhaai ke saath nai,
manne bhi jaana sai bhole...

hama chaale vishnu chaale chaale nandi saath main,
manai bhi jaana sai bhole manai le chal teri baraat main



SOURCE:
 http://www.yugalsarkar.com/lyrics/mane-bhi-jana-se-bhole-mne-Lyrics