मन्ने अब के बचा ले मेरी माय बटाऊ आयो लेवण ने

मन्ने अब के बचा ले मेरी माय बटाऊ आयो लेवण ने,

पाँच कोठड़ी दस दरवाजा इण मंदिरए माय,
लुकति छिपती में फिरुँ छोड़े तो बैरी मन्ने नाय,
बटाऊ आयो लेवण ने 
मन्ने अब के बचा ले मेरी माय....

हाथ जोड़ कन्या कहवे ओ सुन मायड़ म्हारी माय,
अबके बटाऊ ने पाछो भेजो फेर जावूंली बा रै साथ,
बटाऊ आयो लेवण ने,
मन्ने अब के बचा ले मेरी माय.....

कहवे डोकरी सुण ले पांवणा सुण ले म्हारी बात,
म्हारी कन्या भोली भली अबके कर दे ग़ुनाह माफ़,
बटाऊ आयो लेवण ने,
मन्ने अब के बचा ले मेरी माय....

कहवे पांवणो सुण ले डोकरी सुण ले म्हारी बात,
हुकुम होयो है धरम राज रो,
ढलती कोई मांझल रात,
बटाऊ आयो लेवण ने,
मन्ने अब के बचा ले मेरी माय....

सावण रा दिन सतरहा गया रे आयी नवेली तीज,
खेलण री म्हारे मन मन में रहगी,
संग की सहेल्या रे साथ,
बटाऊ आयो लेवण ने,
मन्ने अब के बचा ले मेरी माय....

मात पिता और कुटुंब कबीलो फेरयो सर पर हाथ,
सात भाया री बहन लाड़ली
कोई ना गया रे बाके साथ,
बटाऊ आयो लेवण ने
मन्ने अब के बचा ले मेरी माय....

कहत कबीर सुणो भाई साधो यो सासरिये जाए,
इण सासरिये सबने जाणों ले लो गुरु का नाम,
बटाऊ आयो लेवण ने
मन्ने अब के बचा ले मेरी माय,


manne ab ke bacha le meri maye btaau aayo levan ne

manne ab ke bcha le meri maay bataaoo aayo levan ne

paanch kothadi das daravaaja in mandire maay,
lukati chhipati me phirun chhode to bairi manne naay,
bataaoo aayo levan ne
manne ab ke bcha le meri maay...

haath jod kanya kahave o sun maayad mhaari maay,
abake bataaoo ne paachho bhejo pher jaavoonli ba rai saath,
bataaoo aayo levan ne,
manne ab ke bcha le meri maay...

kahave dokari sun le paanvana sun le mhaari baat,
mhaari kanya bholi bhali abake kar de gunaah maapah,
bataaoo aayo levan ne,
manne ab ke bcha le meri maay...

kahave paanvano sun le dokari sun le mhaari baat,
hukum hoyo hai dharam raaj ro,
dhalati koi maanjhal raat,
bataaoo aayo levan ne,
manne ab ke bcha le meri maay...

saavan ra din sataraha gaya re aayi naveli teej,
khelan ri mhaare man man me rahagi,
sang ki sahelya re saath,
bataaoo aayo levan ne,
manne ab ke bcha le meri maay...

maat pita aur kutunb kabeelo pherayo sar par haath,
saat bhaaya ri bahan laadalee
koi na gaya re baake saath,
bataaoo aayo levan ne
manne ab ke bcha le meri maay...

kahat kabeer suno bhaai saadho yo saasariye jaae,
in saasariye sabane jaanon le lo guru ka naam,
bataaoo aayo levan ne
manne ab ke bcha le meri maay

manne ab ke bcha le meri maay bataaoo aayo levan ne



SOURCE:
 http://www.yugalsarkar.com/lyrics/manne-ab-ke-bacha-le-meri-maye-btaau-aayo-levan-ne-Lyrics