रुन झुन बाजे पग पैजनिया

रुन झुन रुन झुन रुन झुन बाजे पग पैजनिया
अंगनैया बिहरे रामलला....

दुइ दुइ दसन दामिनि जैसे दम दम दम दम दमके
कर कंजन कंचन के कंगना चम चम चम चम चमके
सोहे रुचिर हिये मनि माल कमर करधनिया
अंगनैया बिहरे रामलला...

स्याम सरोज सुहावनि काया पहिरे झँगुली पीली
झीन झँगुलिया के भीतर सौ आभा झलके नीली
धनि धनि भाग भुशुंडि काग लखे किलकनिया
अंगनैया बिहरे रामलला...

हर हिय हरत मनोहर मंजु मधुर मुसकनिया
अंगनैया बिहरे रामलला...

धन्य अवध धन धन नृप दसरथ
धनि धनि तीनहु मैया
धन्य धन्य सब देखन हारे
खेलत चारिहु भैया
चाहत जन राजेश प्रभु की चरन रजकनिया
अंगनैया खेले रामलला....


run jhun baaje pag pejaniya

run jhun run jhun run jhun baaje pag paijaniyaa
anganaiya bihare ramlalaa...

dui dui dasan daamini jaise dam dam dam dam damake
kar kanjan kanchan ke kangana cham cham cham cham chamake
sohe ruchir hiye mani maal kamar kardhaniyaa
anganaiya bihare ramlalaa...

syaam saroj suhaavani kaaya pahire jhanguli peelee
jheen jhanguliya ke bheetar sau aabha jhalake neelee
dhani dhani bhaag bhushundi kaag lkhe kilakaniyaa
anganaiya bihare ramlalaa...

har hiy harat manohar manju mdhur musakaniyaa
anganaiya bihare ramlalaa...

dhany avdh dhan dhan narap dasarth
dhani dhani teenahu maiyaa
dhany dhany sab dekhan haare
khelat chaarihu bhaiyaa
chaahat jan raajesh prbhu ki charan rajakaniyaa
anganaiya khele ramlalaa...

run jhun run jhun run jhun baaje pag paijaniyaa
anganaiya bihare ramlalaa...



SOURCE:
 http://www.yugalsarkar.com/lyrics/run-jhun-baaje-pag-pejaniya-Lyrics