श्री गोवर्धनवासी सांवरे लाल तुम बिन रह्यो न जाये

श्री गोवर्धनवासी सांवरे लाल तुम बिन रह्यो न जाये ,
हों ब्रजराज लडे तें लाडिले,

बंकचिते मुसकाय के लाल सुंदर वदन दिखाय,
लोचन तलफें मीन ज्यों लाल पलछिन कल्प विहाय,

सप्तक स्वर बंधान सों लाल मोहन वेणु बजाय,
सुरत सुहाई बांधि के लाल मधुरे मधुर गाय ,

रसिक रसिक रसीली बोलनी लाल गिरि चढ गैया बुलाय,
गांग बुलाई धूमरी लाल ऊंची टेर सुनाय ,

दृष्टि परी जा दिवस तें लाल तबतें रुचे नही आन,
रजनी नींद न आवही मोहि विसर्यो भोजन पान ,

दरसन को नयना तपें लाल वचनन को सुन कान,
मिलवे को हियरा तपे मेरे जिय के जीवन प्रान ,

मन अभिलाखा व्हे रही लाल लागत नयन निमेष 
इक टक देखु आवते प्यारो नागर नटवर भेष,

पूरण शशि मुख देख के लाल चित चोट्यो वाहि ओर
रूप सुधारस पान के लाल सादर कुमुद चकोर,

लोक लाज कुळ वेद की छांड्यो सकल विवेक ,
लहल कली रवि ज्यों बढे लाल छिन छिन प्रति विशेष,

मन्मथ कोटिक वारने लाल निरखत डगमगी चाल ,
युवति जन मन फंदना लाल अंबुज नयन विशाल ,

यह रट लागी लाडिये लाल जैसे चातक मोर ,
प्रेमनीर वरखा करो लाल नव घन नंद किशोर ,

कुंज भवन क्रीडा करो लाल सुखनिधि मदन गोपाल,
हम श्री वृंदावन मालती तुम भोगी भ्रमर भूपाल ,

युग युग अविचल राखिये लाल यह सुख शैल निवास,
श्री गोवर्धनधर रूप पर बलिहारी चतुर्भुज दास ,


shri govardhanvasi sanaware lal tum bin raho na jaye

shri govardhanavaasi saanvare laal tum bin rahayo n jaaye ,
hon brajaraaj lade ten laadile

bankchite musakaay ke laal sundar vadan dikhaay,
lochan talphen meen jyon laal palchhin kalp vihaay

saptak svar bandhaan son laal mohan venu bajaay,
surat suhaai baandhi ke laal mdhure mdhur gaay

rasik rasik raseeli bolani laal giri chdh gaiya bulaay,
gaang bulaai dhoomari laal oonchi ter sunaay

darashti pari ja divas ten laal tabaten ruche nahi aan,
rajani neend n aavahi mohi visaryo bhojan paan

darasan ko nayana tapen laal vchanan ko sun kaan,
milave ko hiyara tape mere jiy ke jeevan praan

man abhilaakha vhe rahi laal laagat nayan nimesh
ik tak dekhu aavate pyaaro naagar natavar bhesh

pooran shshi mukh dekh ke laal chit chotyo vaahi or
roop sudhaaras paan ke laal saadar kumud chakor

lok laaj kul ved ki chhaandyo sakal vivek ,
lahal kali ravi jyon bdhe laal chhin chhin prati vishesh

manmth kotik vaarane laal nirkhat dagamagi chaal ,
yuvati jan man phandana laal anbuj nayan vishaal

yah rat laagi laadiye laal jaise chaatak mor ,
premaneer varkha karo laal nav ghan nand kishor

kunj bhavan kreeda karo laal sukhanidhi madan gopaal,
ham shri vrindaavan maalati tum bhogi bhramar bhoopaal

yug yug avichal raakhiye laal yah sukh shail nivaas,
shri govardhandhar roop par balihaari chaturbhuj daas

shri govardhanavaasi saanvare laal tum bin rahayo n jaaye ,
hon brajaraaj lade ten laadile



SOURCE:
 http://www.yugalsarkar.com/lyrics/shri-govardhanvasi-sanaware-lal-tum-bin-raho-na-jaye-Lyrics