श्याम जिमावे जाटनी घुंघट की ओट में

नरम नरम लायी घाल गरम कान्हा माखन रोट मैं,
श्याम जिमावे जाटनी घुंघट की ओट में,

सांवरिया करूं ओट तन मन तेरा जादू चढ़ रहया सै,
घणां करू दीदार तेरा मैं दीवानापन बढ़ रहया सै,
दिल होजा सै घाल मेरा नजरां की चोट म्हे,
श्याम जिमावै जाटनी........

डर लागे मने सांवरे कदे मीरा ना हो जाऊं मैं,
छोड़ चौधरी बालका नै तेरे महँ खो जाऊं मैं,
मोहनी मोहनी सूरत तेरी कर दे खोट म्हे,
श्याम जिमावै जाटनी........

इस ढाला का रिश्ता राखू ना कच्चा ना पक्का हो,
निभजा आखिरी सांस तलक जो ना रोला ना रूकका हो,
सागर धरै नित्न ध्यान तेरा तुम रहियो सपोर्ट म्हे,
श्याम जिमावै जाटनी..........


shyam jimawe jaatani ghungat ki oat me

naram naram laayi ghaal garam kaanha maakhan rot main,
shyaam jimaave jaatani ghunghat ki ot me

saanvariya karoon ot tan man tera jaadoo chadah rahaya sai,
ghanaan karoo deedaar tera maindeevaanaapan badah rahaya sai,
dil hoja sai ghaal mera najaraan ki chot mhe,
shyaam jimaavai jaatani...

dar laage mane saanvare kade meera na ho jaaoon main,
chhod chaudhari baalaka nai tere mahan kho jaaoon main,
mohani mohani soorat teri kar de khot mhe,
shyaam jimaavai jaatani...

is dhaala ka rishta raakhoo na kachcha na pakka ho,
nibhaja aakhiri saans talak jo na rola na rookaka ho,
saagar dharai nitn dhayaan tera tum rahiyo saport mhe,
shyaam jimaavai jaatani...

naram naram laayi ghaal garam kaanha maakhan rot main,
shyaam jimaave jaatani ghunghat ki ot me



SOURCE:
 http://www.yugalsarkar.com/lyrics/shyam-jimawe-jaatani-ghungat-ki-oat-me-Lyrics