॥ श्री हनुमान चालीसा ॥
॥ दोहा॥
श्रीगुरु चरन सरोज रज
निज मनु मुकुरु सुधारि ।
बरनउँ रघुबर बिमल जसु
जो दायकु फल चारि ॥
बुद्धिहीन तनु जानिके
सुमिरौं पवन-कुमार ।
बल बुधि बिद्या देहु मोहिं
हरहु कलेस बिकार ॥
॥ चौपाई ॥
जय हनुमान ज्ञान गुन सागर ।
जय कपीस तिहुँ लोक उजागर ॥
राम दूत अतुलित बल धामा ।
अंजनि पुत्र पवनसुत नामा ॥
महाबीर बिक्रम बजरंगी ।
कुमति निवार सुमति के संगी ॥
कंचन बरन बिराज सुबेसा ।
कानन कुण्डल कुँचित केसा ॥४
हाथ बज्र अरु ध्वजा बिराजै ।
काँधे मूँज जनेउ साजै ॥
शंकर सुवन केसरी नंदन ।
तेज प्रताप महा जगवंदन ॥
बिद्यावान गुनी अति चातुर ।
राम काज करिबे को आतुर ॥
प्रभु चरित्र सुनिबे को रसिया ।
राम लखन सीता मन बसिया ॥८
सूक्ष्म रूप धरि सियहिं दिखावा ।
बिकट रूप धरि लंक जरावा ॥
भीम रूप धरि असुर सँहारे ।
रामचन्द्र के काज सँवारे ॥
लाय सजीवन लखन जियाए ।
श्री रघुबीर हरषि उर लाये ॥
रघुपति कीन्ही बहुत बड़ाई ।
तुम मम प्रिय भरतहि सम भाई ॥१२
सहस बदन तुम्हरो जस गावैं ।
अस कहि श्रीपति कण्ठ लगावैं ॥
सनकादिक ब्रह्मादि मुनीसा ।
नारद सारद सहित अहीसा ॥
जम कुबेर दिगपाल जहाँ ते ।
कबि कोबिद कहि सके कहाँ ते ॥
तुम उपकार सुग्रीवहिं कीह्ना ।
राम मिलाय राज पद दीह्ना ॥१६
तुम्हरो मंत्र बिभीषण माना ।
लंकेश्वर भए सब जग जाना ॥
जुग सहस्त्र जोजन पर भानु ।
लील्यो ताहि मधुर फल जानू ॥
प्रभु मुद्रिका मेलि मुख माहीं ।
जलधि लाँघि गये अचरज नाहीं ॥
दुर्गम काज जगत के जेते ।
सुगम अनुग्रह तुम्हरे तेते ॥२०
राम दुआरे तुम रखवारे ।
होत न आज्ञा बिनु पैसारे ॥
सब सुख लहै तुम्हारी सरना ।
तुम रक्षक काहू को डरना ॥
आपन तेज सम्हारो आपै ।
तीनों लोक हाँक तै काँपै ॥
भूत पिशाच निकट नहिं आवै ।
महावीर जब नाम सुनावै ॥२४
नासै रोग हरै सब पीरा ।
जपत निरंतर हनुमत बीरा ॥
संकट तै हनुमान छुडावै ।
मन क्रम बचन ध्यान जो लावै ॥
सब पर राम तपस्वी राजा ।
तिनके काज सकल तुम साजा ॥
और मनोरथ जो कोई लावै ।
सोई अमित जीवन फल पावै ॥२८
चारों जुग परताप तुम्हारा ।
है परसिद्ध जगत उजियारा ॥
साधु सन्त के तुम रखवारे ।
असुर निकंदन राम दुलारे ॥
अष्ट सिद्धि नौ निधि के दाता ।
अस बर दीन जानकी माता ॥
राम रसायन तुम्हरे पासा ।
सदा रहो रघुपति के दासा ॥३२
तुम्हरे भजन राम को पावै ।
जनम जनम के दुख बिसरावै ॥
अंतकाल रघुवरपुर जाई ।
जहाँ जन्म हरिभक्त कहाई ॥
और देवता चित्त ना धरई ।
हनुमत सेइ सर्ब सुख करई ॥
संकट कटै मिटै सब पीरा ।
जो सुमिरै हनुमत बलबीरा ॥३६
जै जै जै हनुमान गोसाईं ।
कृपा करहु गुरुदेव की नाईं ॥
जो सत बार पाठ कर कोई ।
छूटहि बंदि महा सुख होई ॥
जो यह पढ़ै हनुमान चालीसा ।
होय सिद्धि साखी गौरीसा ॥
तुलसीदास सदा हरि चेरा ।
कीजै नाथ हृदय मह डेरा ॥४०
॥ दोहा ॥
पवन तनय संकट हरन,
मंगल मूरति रूप ।
राम लखन सीता सहित,
हृदय बसहु सुर भूप ॥
.. shri hanuman chaaleesa ..
.. dohaa..
shreeguru charan saroj raj
nij manu mukuru sudhaari .
baranun rghubar bimal jasu
jo daayaku phal chaari ..
buddhiheen tanu jaanike
sumiraun pavan-kumaar .
bal budhi bidya dehu mohin
harahu kales bikaar ..
.. chaupaai ..
jay hanuman gyaan gun saagar .
jay kapees tihun lok ujaagar ..
ram doot atulit bal dhaama .
anjani putr pavanasut naama ..
mahaabeer bikram bajarangi .
kumati nivaar sumati ke sangi ..
kanchan baran biraaj subesa .
kaanan kundal kunchit kesa ..4
haath bajr aru dhavaja biraajai .
kaandhe moonj janeu saajai ..
shankar suvan kesari nandan .
tej prataap maha jagavandan ..
bidyaavaan guni ati chaatur .
ram kaaj karibe ko aatur ..
prbhu charitr sunibe ko rasiya .
ram lkhan seeta man basiya ..8
sookshm roop dhari siyahin dikhaava .
bikat roop dhari lank jaraava ..
bheem roop dhari asur sanhaare .
ramchandr ke kaaj sanvaare ..
laay sajeevan lkhan jiyaae .
shri rghubeer harshi ur laaye ..
rghupati keenhi bahut badaai .
tum mam priy bharatahi sam bhaai ..12
sahas badan tumharo jas gaavain .
as kahi shreepati kanth lagaavain ..
sanakaadik brahamaadi muneesa .
naarad saarad sahit aheesa ..
jam kuber digapaal jahaan te .
kabi kobid kahi sake kahaan te ..
tum upakaar sugreevahin keehana .
ram milaay raaj pad deehana ..16
tumharo mantr bibheeshan maana .
lankeshvar bhe sab jag jaana ..
jug sahastr jojan par bhaanu .
leelyo taahi mdhur phal jaanoo ..
prbhu mudrika meli mukh maaheen .
jaldhi laanghi gaye acharaj naaheen ..
durgam kaaj jagat ke jete .
sugam anugrah tumhare tete ..20
ram duaare tum rkhavaare .
hot n aagya binu paisaare ..
sab sukh lahai tumhaari sarana .
tum rakshk kaahoo ko darana ..
aapan tej samhaaro aapai .
teenon lok haank tai kaanpai ..
bhoot pishaach nikat nahin aavai .
mahaaveer jab naam sunaavai ..24
naasai rog harai sab peera .
japat nirantar hanumat beera ..
sankat tai hanuman chhudaavai .
man kram bchan dhayaan jo laavai ..
sab par ram tapasvi raaja .
tinake kaaj sakal tum saaja ..
aur manorth jo koi laavai .
soi amit jeevan phal paavai ..28
chaaron jug parataap tumhaara .
hai parasiddh jagat ujiyaara ..
saadhu sant ke tum rkhavaare .
asur nikandan ram dulaare ..
asht siddhi nau nidhi ke daata .
as bar deen jaanaki maata ..
ram rasaayan tumhare paasa .
sada raho rghupati ke daasa ..32
tumhare bhajan ram ko paavai .
janam janam ke dukh bisaraavai ..
antakaal rghuvarapur jaai .
jahaan janm haribhakt kahaai ..
aur devata chitt na dhari .
hanumat sei sarb sukh kari ..
sankat katai mitai sab peera .
jo sumirai hanumat balabeera ..36
jai jai jai hanuman gosaaeen .
kripa karahu gurudev ki naaeen ..
jo sat baar paath kar koi .
chhootahi bandi maha sukh hoi ..
jo yah padahai hanuman chaaleesa .
hoy siddhi saakhi gaureesa ..
tulaseedaas sada hari chera .
keejai naath haraday mah dera ..40
.. doha ..
pavan tanay sankat haran,
mangal moorati roop .
ram lkhan seeta sahit,
haraday basahu sur bhoop ..
