चौपाई
थोरेहि महँ सब कहउँ बुझाई। सुनहु तात मति मन चित लाई।।
मैं अरु मोर तोर तैं माया। जेहिं बस कीन्हे जीव निकाया।।
गो गोचर जहँ लगि मन जाई। सो सब माया जानेहु भाई।।
तेहि कर भेद सुनहु तुम्ह सोऊ। बिद्या अपर अबिद्या दोऊ।।
एक दुष्ट अतिसय दुखरूपा। जा बस जीव परा भवकूपा।।
एक रचइ जग गुन बस जाकें। प्रभु प्रेरित नहिं निज बल ताकें।।
ग्यान मान जहँ एकउ नाहीं। देख ब्रह्म समान सब माही।।
कहिअ तात सो परम बिरागी। तृन सम सिद्धि तीनि गुन त्यागी।।
दोहा/सोरठा
माया ईस न आपु कहुँ जान कहिअ सो जीव।
बंध मोच्छ प्रद सर्बपर माया प्रेरक सीव।।15।।
चौपाई
धर्म तें बिरति जोग तें ग्याना। ग्यान मोच्छप्रद बेद बखाना।।
जातें बेगि द्रवउँ मैं भाई। सो मम भगति भगत सुखदाई।।
सो सुतंत्र अवलंब न आना। तेहि आधीन ग्यान बिग्याना।।
भगति तात अनुपम सुखमूला। मिलइ जो संत होइँ अनुकूला।।
भगति कि साधन कहउँ बखानी। सुगम पंथ मोहि पावहिं प्रानी।।
प्रथमहिं बिप्र चरन अति प्रीती। निज निज कर्म निरत श्रुति रीती।।
एहि कर फल पुनि बिषय बिरागा। तब मम धर्म उपज अनुरागा।।
श्रवनादिक नव भक्ति दृढ़ाहीं। मम लीला रति अति मन माहीं।।
संत चरन पंकज अति प्रेमा। मन क्रम बचन भजन दृढ़ नेमा।।
गुरु पितु मातु बंधु पति देवा। सब मोहि कहँ जाने दृढ़ सेवा।।
मम गुन गावत पुलक सरीरा। गदगद गिरा नयन बह नीरा।।
काम आदि मद दंभ न जाकें। तात निरंतर बस मैं ताकें।।
दोहा/सोरठा
बचन कर्म मन मोरि गति भजनु करहिं निःकाम।।
तिन्ह के हृदय कमल महुँ करउँ सदा बिश्राम।।16।।
चौपाई
thōrēhi mahaom saba kahauom bujhāī. sunahu tāta mati mana cita lāī..
maiṃ aru mōra tōra taiṃ māyā. jēhiṃ basa kīnhē jīva nikāyā..
gō gōcara jahaom lagi mana jāī. sō saba māyā jānēhu bhāī..
tēhi kara bhēda sunahu tumha sōū. bidyā apara abidyā dōū..
ēka duṣṭa atisaya dukharūpā. jā basa jīva parā bhavakūpā..
ēka racai jaga guna basa jākēṃ. prabhu prērita nahiṃ nija bala tākēṃ..
gyāna māna jahaom ēkau nāhīṃ. dēkha brahma samāna saba māhī..
kahia tāta sō parama birāgī. tṛna sama siddhi tīni guna tyāgī..
चौपाई
dharma tēṃ birati jōga tēṃ gyānā. gyāna mōcchaprada bēda bakhānā..
jātēṃ bēgi dravauom maiṃ bhāī. sō mama bhagati bhagata sukhadāī..
sō sutaṃtra avalaṃba na ānā. tēhi ādhīna gyāna bigyānā..
bhagati tāta anupama sukhamūlā. milai jō saṃta hōiom anukūlā..
bhagati ki sādhana kahauom bakhānī. sugama paṃtha mōhi pāvahiṃ prānī..
prathamahiṃ bipra carana ati prītī. nija nija karma nirata śruti rītī..
ēhi kara phala puni biṣaya birāgā. taba mama dharma upaja anurāgā..
śravanādika nava bhakti dṛḍhaāhīṃ. mama līlā rati ati mana māhīṃ..
saṃta carana paṃkaja ati prēmā. mana krama bacana bhajana dṛḍha nēmā..
guru pitu mātu baṃdhu pati dēvā. saba mōhi kahaom jānē dṛḍha sēvā..
mama guna gāvata pulaka sarīrā. gadagada girā nayana baha nīrā..
kāma ādi mada daṃbha na jākēṃ. tāta niraṃtara basa maiṃ tākēṃ..
