चौपाई
सहसबाहु सुरनाथु त्रिसंकू। केहि न राजमद दीन्ह कलंकू।।
भरत कीन्ह यह उचित उपाऊ। रिपु रिन रंच न राखब काऊ।।
एक कीन्हि नहिं भरत भलाई। निदरे रामु जानि असहाई।।
समुझि परिहि सोउ आजु बिसेषी। समर सरोष राम मुखु पेखी।।
एतना कहत नीति रस भूला। रन रस बिटपु पुलक मिस फूला।।
प्रभु पद बंदि सीस रज राखी। बोले सत्य सहज बलु भाषी।।
अनुचित नाथ न मानब मोरा। भरत हमहि उपचार न थोरा।।
कहँ लगि सहिअ रहिअ मनु मारें। नाथ साथ धनु हाथ हमारें।।
दोहा/सोरठा
छत्रि जाति रघुकुल जनमु राम अनुग जगु जान।
लातहुँ मारें चढ़ति सिर नीच को धूरि समान।।229।।
चौपाई
उठि कर जोरि रजायसु मागा। मनहुँ बीर रस सोवत जागा।।
बाँधि जटा सिर कसि कटि भाथा। साजि सरासनु सायकु हाथा।।
आजु राम सेवक जसु लेऊँ। भरतहि समर सिखावन देऊँ।।
राम निरादर कर फलु पाई। सोवहुँ समर सेज दोउ भाई।।
आइ बना भल सकल समाजू। प्रगट करउँ रिस पाछिल आजू।।
जिमि करि निकर दलइ मृगराजू। लेइ लपेटि लवा जिमि बाजू।।
तैसेहिं भरतहि सेन समेता। सानुज निदरि निपातउँ खेता।।
जौं सहाय कर संकरु आई। तौ मारउँ रन राम दोहाई।।
दोहा/सोरठा
अति सरोष माखे लखनु लखि सुनि सपथ प्रवान।
सभय लोक सब लोकपति चाहत भभरि भगान।।230।।
चौपाई
sahasabāhu suranāthu trisaṃkū. kēhi na rājamada dīnha kalaṃkū..
bharata kīnha yaha ucita upāū. ripu rina raṃca na rākhaba kāū..
ēka kīnhi nahiṃ bharata bhalāī. nidarē rāmu jāni asahāī..
samujhi parihi sōu āju bisēṣī. samara sarōṣa rāma mukhu pēkhī..
ētanā kahata nīti rasa bhūlā. rana rasa biṭapu pulaka misa phūlā..
prabhu pada baṃdi sīsa raja rākhī. bōlē satya sahaja balu bhāṣī..
anucita nātha na mānaba mōrā. bharata hamahi upacāra na thōrā..
kahaom lagi sahia rahia manu mārēṃ. nātha sātha dhanu hātha hamārēṃ..
चौपाई
uṭhi kara jōri rajāyasu māgā. manahuom bīra rasa sōvata jāgā..
bāomdhi jaṭā sira kasi kaṭi bhāthā. sāji sarāsanu sāyaku hāthā..
āju rāma sēvaka jasu lēūom. bharatahi samara sikhāvana dēūom..
rāma nirādara kara phalu pāī. sōvahuom samara sēja dōu bhāī..
āi banā bhala sakala samājū. pragaṭa karauom risa pāchila ājū..
jimi kari nikara dalai mṛgarājū. lēi lapēṭi lavā jimi bājū..
taisēhiṃ bharatahi sēna samētā. sānuja nidari nipātauom khētā..
jauṃ sahāya kara saṃkaru āī. tau mārauom rana rāma dōhāī..
