चौपाई
रघुबर कहेउ लखन भल घाटू। करहु कतहुँ अब ठाहर ठाटू।।
लखन दीख पय उतर करारा। चहुँ दिसि फिरेउ धनुष जिमि नारा।।
नदी पनच सर सम दम दाना। सकल कलुष कलि साउज नाना।।
चित्रकूट जनु अचल अहेरी। चुकइ न घात मार मुठभेरी।।
अस कहि लखन ठाउँ देखरावा। थलु बिलोकि रघुबर सुखु पावा।।
रमेउ राम मनु देवन्ह जाना। चले सहित सुर थपति प्रधाना।।
कोल किरात बेष सब आए। रचे परन तृन सदन सुहाए।।
बरनि न जाहि मंजु दुइ साला। एक ललित लघु एक बिसाला।।
दोहा/सोरठा
लखन जानकी सहित प्रभु राजत रुचिर निकेत।
सोह मदनु मुनि बेष जनु रति रितुराज समेत।।133।।
चौपाई
अमर नाग किंनर दिसिपाला। चित्रकूट आए तेहि काला।।
राम प्रनामु कीन्ह सब काहू। मुदित देव लहि लोचन लाहू।।
बरषि सुमन कह देव समाजू। नाथ सनाथ भए हम आजू।।
करि बिनती दुख दुसह सुनाए। हरषित निज निज सदन सिधाए।।
चित्रकूट रघुनंदनु छाए। समाचार सुनि सुनि मुनि आए।।
आवत देखि मुदित मुनिबृंदा। कीन्ह दंडवत रघुकुल चंदा।।
मुनि रघुबरहि लाइ उर लेहीं। सुफल होन हित आसिष देहीं।।
सिय सौमित्र राम छबि देखहिं। साधन सकल सफल करि लेखहिं।।
दोहा/सोरठा
जथाजोग सनमानि प्रभु बिदा किए मुनिबृंद।
करहि जोग जप जाग तप निज आश्रमन्हि सुछंद।।134।।
चौपाई
raghubara kahēu lakhana bhala ghāṭū. karahu katahuom aba ṭhāhara ṭhāṭū..
lakhana dīkha paya utara karārā. cahuom disi phirēu dhanuṣa jimi nārā..
nadī panaca sara sama dama dānā. sakala kaluṣa kali sāuja nānā..
citrakūṭa janu acala ahērī. cukai na ghāta māra muṭhabhērī..
asa kahi lakhana ṭhāuom dēkharāvā. thalu bilōki raghubara sukhu pāvā..
ramēu rāma manu dēvanha jānā. calē sahita sura thapati pradhānā..
kōla kirāta bēṣa saba āē. racē parana tṛna sadana suhāē..
barani na jāhi maṃju dui sālā. ēka lalita laghu ēka bisālā..
चौपाई
amara nāga kiṃnara disipālā. citrakūṭa āē tēhi kālā..
rāma pranāmu kīnha saba kāhū. mudita dēva lahi lōcana lāhū..
baraṣi sumana kaha dēva samājū. nātha sanātha bhaē hama ājū..
kari binatī dukha dusaha sunāē. haraṣita nija nija sadana sidhāē..
citrakūṭa raghunaṃdanu chāē. samācāra suni suni muni āē..
āvata dēkhi mudita munibṛṃdā. kīnha daṃḍavata raghukula caṃdā..
muni raghubarahi lāi ura lēhīṃ. suphala hōna hita āsiṣa dēhīṃ..
siya saumitra rāma chabi dēkhahiṃ. sādhana sakala saphala kari lēkhahiṃ..
