चौपाई
किंनर नाग सिद्ध गंधर्बा। बधुन्ह समेत चले सुर सर्बा।।
बिष्नु बिरंचि महेसु बिहाई। चले सकल सुर जान बनाई।।
सतीं बिलोके ब्योम बिमाना। जात चले सुंदर बिधि नाना।।
सुर सुंदरी करहिं कल गाना। सुनत श्रवन छूटहिं मुनि ध्याना।।
पूछेउ तब सिवँ कहेउ बखानी। पिता जग्य सुनि कछु हरषानी।।
जौं महेसु मोहि आयसु देहीं। कुछ दिन जाइ रहौं मिस एहीं।।
पति परित्याग हृदय दुखु भारी। कहइ न निज अपराध बिचारी।।
बोली सती मनोहर बानी। भय संकोच प्रेम रस सानी।।
दोहा/सोरठा
पिता भवन उत्सव परम जौं प्रभु आयसु होइ।
तौ मै जाउँ कृपायतन सादर देखन सोइ।।61।।
चौपाई
कहेहु नीक मोरेहुँ मन भावा। यह अनुचित नहिं नेवत पठावा।।
दच्छ सकल निज सुता बोलाई। हमरें बयर तुम्हउ बिसराई।।
ब्रह्मसभाँ हम सन दुखु माना। तेहि तें अजहुँ करहिं अपमाना।।
जौं बिनु बोलें जाहु भवानी। रहइ न सीलु सनेहु न कानी।।
जदपि मित्र प्रभु पितु गुर गेहा। जाइअ बिनु बोलेहुँ न सँदेहा।।
तदपि बिरोध मान जहँ कोई। तहाँ गएँ कल्यानु न होई।।
भाँति अनेक संभु समुझावा। भावी बस न ग्यानु उर आवा।।
कह प्रभु जाहु जो बिनहिं बोलाएँ। नहिं भलि बात हमारे भाएँ।।
दोहा/सोरठा
कहि देखा हर जतन बहु रहइ न दच्छकुमारि।
दिए मुख्य गन संग तब बिदा कीन्ह त्रिपुरारि।।62।।
चौपाई
kiṃnara nāga siddha gaṃdharbā. badhunha samēta calē sura sarbā..
biṣnu biraṃci mahēsu bihāī. calē sakala sura jāna banāī..
satīṃ bilōkē byōma bimānā. jāta calē suṃdara bidhi nānā..
sura suṃdarī karahiṃ kala gānā. sunata śravana chūṭahiṃ muni dhyānā..
pūchēu taba sivaom kahēu bakhānī. pitā jagya suni kachu haraṣānī..
jauṃ mahēsu mōhi āyasu dēhīṃ. kucha dina jāi rahauṃ misa ēhīṃ..
pati parityāga hṛdaya dukhu bhārī. kahai na nija aparādha bicārī..
bōlī satī manōhara bānī. bhaya saṃkōca prēma rasa sānī..
चौपाई
kahēhu nīka mōrēhuom mana bhāvā. yaha anucita nahiṃ nēvata paṭhāvā..
daccha sakala nija sutā bōlāī. hamarēṃ bayara tumhau bisarāī..
brahmasabhāom hama sana dukhu mānā. tēhi tēṃ ajahuom karahiṃ apamānā..
jauṃ binu bōlēṃ jāhu bhavānī. rahai na sīlu sanēhu na kānī..
jadapi mitra prabhu pitu gura gēhā. jāia binu bōlēhuom na saomdēhā..
tadapi birōdha māna jahaom kōī. tahāom gaēom kalyānu na hōī..
bhāomti anēka saṃbhu samujhāvā. bhāvī basa na gyānu ura āvā..
kaha prabhu jāhu jō binahiṃ bōlāēom. nahiṃ bhali bāta hamārē bhāēom..
दोहा/सोरठा
kahi dēkhā hara jatana bahu rahai na dacchakumāri.
diē mukhya gana saṃga taba bidā kīnha tripurāri..62..
