चौपाई
जौं तुम्ह मिलतेहु प्रथम मुनीसा। सुनतिउँ सिख तुम्हारि धरि सीसा।।
अब मैं जन्मु संभु हित हारा। को गुन दूषन करै बिचारा।।
जौं तुम्हरे हठ हृदयँ बिसेषी। रहि न जाइ बिनु किएँ बरेषी।।
तौ कौतुकिअन्ह आलसु नाहीं। बर कन्या अनेक जग माहीं।।
जन्म कोटि लगि रगर हमारी। बरउँ संभु न त रहउँ कुआरी।।
तजउँ न नारद कर उपदेसू। आपु कहहि सत बार महेसू।।
मैं पा परउँ कहइ जगदंबा। तुम्ह गृह गवनहु भयउ बिलंबा।।
देखि प्रेमु बोले मुनि ग्यानी। जय जय जगदंबिके भवानी।।
दोहा/सोरठा
तुम्ह माया भगवान सिव सकल जगत पितु मातु।
नाइ चरन सिर मुनि चले पुनि पुनि हरषत गातु।।81।।
चौपाई
जाइ मुनिन्ह हिमवंतु पठाए। करि बिनती गिरजहिं गृह ल्याए।।
बहुरि सप्तरिषि सिव पहिं जाई। कथा उमा कै सकल सुनाई।।
भए मगन सिव सुनत सनेहा। हरषि सप्तरिषि गवने गेहा।।
मनु थिर करि तब संभु सुजाना। लगे करन रघुनायक ध्याना।।
तारकु असुर भयउ तेहि काला। भुज प्रताप बल तेज बिसाला।।
तेंहि सब लोक लोकपति जीते। भए देव सुख संपति रीते।।
अजर अमर सो जीति न जाई। हारे सुर करि बिबिध लराई।।
तब बिरंचि सन जाइ पुकारे। देखे बिधि सब देव दुखारे।।
दोहा/सोरठा
सब सन कहा बुझाइ बिधि दनुज निधन तब होइ।
संभु सुक्र संभूत सुत एहि जीतइ रन सोइ।।82।।
चौपाई
jauṃ tumha milatēhu prathama munīsā. sunatiuom sikha tumhāri dhari sīsā..
aba maiṃ janmu saṃbhu hita hārā. kō guna dūṣana karai bicārā..
jauṃ tumharē haṭha hṛdayaom bisēṣī. rahi na jāi binu kiēom barēṣī..
tau kautukianha ālasu nāhīṃ. bara kanyā anēka jaga māhīṃ..
janma kōṭi lagi ragara hamārī. barauom saṃbhu na ta rahauom kuārī..
tajauom na nārada kara upadēsū. āpu kahahi sata bāra mahēsū..
maiṃ pā parauom kahai jagadaṃbā. tumha gṛha gavanahu bhayau bilaṃbā..
dēkhi prēmu bōlē muni gyānī. jaya jaya jagadaṃbikē bhavānī..
चौपाई
jāi muninha himavaṃtu paṭhāē. kari binatī girajahiṃ gṛha lyāē..
bahuri saptariṣi siva pahiṃ jāī. kathā umā kai sakala sunāī..
bhaē magana siva sunata sanēhā. haraṣi saptariṣi gavanē gēhā..
manu thira kari taba saṃbhu sujānā. lagē karana raghunāyaka dhyānā..
tāraku asura bhayau tēhi kālā. bhuja pratāpa bala tēja bisālā..
tēṃhi saba lōka lōkapati jītē. bhaē dēva sukha saṃpati rītē..
ajara amara sō jīti na jāī. hārē sura kari bibidha larāī..
taba biraṃci sana jāi pukārē. dēkhē bidhi saba dēva dukhārē..
