चौपाई
दादुर धुनि चहु दिसा सुहाई। बेद पढ़हिं जनु बटु समुदाई।।
नव पल्लव भए बिटप अनेका। साधक मन जस मिलें बिबेका।।
अर्क जबास पात बिनु भयऊ। जस सुराज खल उद्यम गयऊ।।
खोजत कतहुँ मिलइ नहिं धूरी। करइ क्रोध जिमि धरमहि दूरी।।
ससि संपन्न सोह महि कैसी। उपकारी कै संपति जैसी।।
निसि तम घन खद्योत बिराजा। जनु दंभिन्ह कर मिला समाजा।।
महाबृष्टि चलि फूटि किआरीं । जिमि सुतंत्र भएँ बिगरहिं नारीं।।
कृषी निरावहिं चतुर किसाना। जिमि बुध तजहिं मोह मद माना।।
देखिअत चक्रबाक खग नाहीं। कलिहि पाइ जिमि धर्म पराहीं।।
ऊषर बरषइ तृन नहिं जामा। जिमि हरिजन हियँ उपज न कामा।।
बिबिध जंतु संकुल महि भ्राजा। प्रजा बाढ़ जिमि पाइ सुराजा।।
जहँ तहँ रहे पथिक थकि नाना। जिमि इंद्रिय गन उपजें ग्याना।।
दोहा/सोरठा
कबहुँ प्रबल बह मारुत जहँ तहँ मेघ बिलाहिं।
जिमि कपूत के उपजें कुल सद्धर्म नसाहिं।।15(क)।।
कबहुँ दिवस महँ निबिड़ तम कबहुँक प्रगट पतंग।
बिनसइ उपजइ ग्यान जिमि पाइ कुसंग सुसंग।।15(ख)।।
चौपाई
बरषा बिगत सरद रितु आई। लछिमन देखहु परम सुहाई।।
फूलें कास सकल महि छाई। जनु बरषाँ कृत प्रगट बुढ़ाई।।
उदित अगस्ति पंथ जल सोषा। जिमि लोभहि सोषइ संतोषा।।
सरिता सर निर्मल जल सोहा। संत हृदय जस गत मद मोहा।।
रस रस सूख सरित सर पानी। ममता त्याग करहिं जिमि ग्यानी।।
जानि सरद रितु खंजन आए। पाइ समय जिमि सुकृत सुहाए।।
पंक न रेनु सोह असि धरनी। नीति निपुन नृप कै जसि करनी।।
जल संकोच बिकल भइँ मीना। अबुध कुटुंबी जिमि धनहीना।।
बिनु धन निर्मल सोह अकासा। हरिजन इव परिहरि सब आसा।।
कहुँ कहुँ बृष्टि सारदी थोरी। कोउ एक पाव भगति जिमि मोरी।।
दोहा/सोरठा
चले हरषि तजि नगर नृप तापस बनिक भिखारि।
जिमि हरिभगत पाइ श्रम तजहि आश्रमी चारि।।16।।
चौपाई
dādura dhuni cahu disā suhāī. bēda paḍhahiṃ janu baṭu samudāī..
nava pallava bhaē biṭapa anēkā. sādhaka mana jasa milēṃ bibēkā..
arka jabāsa pāta binu bhayaū. jasa surāja khala udyama gayaū..
khōjata katahuom milai nahiṃ dhūrī. karai krōdha jimi dharamahi dūrī..
sasi saṃpanna sōha mahi kaisī. upakārī kai saṃpati jaisī..
nisi tama ghana khadyōta birājā. janu daṃbhinha kara milā samājā..
mahābṛṣṭi cali phūṭi kiārīṃ . jimi sutaṃtra bhaēom bigarahiṃ nārīṃ..
kṛṣī nirāvahiṃ catura kisānā. jimi budha tajahiṃ mōha mada mānā..
dēkhiata cakrabāka khaga nāhīṃ. kalihi pāi jimi dharma parāhīṃ..
ūṣara baraṣai tṛna nahiṃ jāmā. jimi harijana hiyaom upaja na kāmā..
bibidha jaṃtu saṃkula mahi bhrājā. prajā bāḍha jimi pāi surājā..
jahaom tahaom rahē pathika thaki nānā. jimi iṃdriya gana upajēṃ gyānā..
चौपाई
baraṣā bigata sarada ritu āī. lachimana dēkhahu parama suhāī..
phūlēṃ kāsa sakala mahi chāī. janu baraṣāom kṛta pragaṭa buḍhaāī..
udita agasti paṃtha jala sōṣā. jimi lōbhahi sōṣai saṃtōṣā..
saritā sara nirmala jala sōhā. saṃta hṛdaya jasa gata mada mōhā..
rasa rasa sūkha sarita sara pānī. mamatā tyāga karahiṃ jimi gyānī..
jāni sarada ritu khaṃjana āē. pāi samaya jimi sukṛta suhāē..
paṃka na rēnu sōha asi dharanī. nīti nipuna nṛpa kai jasi karanī..
jala saṃkōca bikala bhaiom mīnā. abudha kuṭuṃbī jimi dhanahīnā..
binu dhana nirmala sōha akāsā. harijana iva parihari saba āsā..
kahuom kahuom bṛṣṭi sāradī thōrī. kōu ēka pāva bhagati jimi mōrī..
