चौपाई
जरत बिलोकेउँ जबहिं कपाला। बिधि के लिखे अंक निज भाला।।
नर कें कर आपन बध बाँची। हसेउँ जानि बिधि गिरा असाँची।।
सोउ मन समुझि त्रास नहिं मोरें। लिखा बिरंचि जरठ मति भोरें।।
आन बीर बल सठ मम आगें। पुनि पुनि कहसि लाज पति त्यागे।।
कह अंगद सलज्ज जग माहीं। रावन तोहि समान कोउ नाहीं।।
लाजवंत तव सहज सुभाऊ। निज मुख निज गुन कहसि न काऊ।।
सिर अरु सैल कथा चित रही। ताते बार बीस तैं कही।।
सो भुजबल राखेउ उर घाली। जीतेहु सहसबाहु बलि बाली।।
सुनु मतिमंद देहि अब पूरा। काटें सीस कि होइअ सूरा।।
इंद्रजालि कहु कहिअ न बीरा। काटइ निज कर सकल सरीरा।।
दोहा/सोरठा
जरहिं पतंग मोह बस भार बहहिं खर बृंद।
ते नहिं सूर कहावहिं समुझि देखु मतिमंद।।29।।
चौपाई
अब जनि बतबढ़ाव खल करही। सुनु मम बचन मान परिहरही।।
दसमुख मैं न बसीठीं आयउँ। अस बिचारि रघुबीर पठायउँ।।
बार बार अस कहइ कृपाला। नहिं गजारि जसु बधें सृकाला।।
मन महुँ समुझि बचन प्रभु केरे। सहेउँ कठोर बचन सठ तेरे।।
नाहिं त करि मुख भंजन तोरा। लै जातेउँ सीतहि बरजोरा।।
जानेउँ तव बल अधम सुरारी। सूनें हरि आनिहि परनारी।।
तैं निसिचर पति गर्ब बहूता। मैं रघुपति सेवक कर दूता।।
जौं न राम अपमानहि डरउँ। तोहि देखत अस कौतुक करऊँ।।
दोहा/सोरठा
तोहि पटकि महि सेन हति चौपट करि तव गाउँ।
तव जुबतिन्ह समेत सठ जनकसुतहि लै जाउँ।।30।।
चौपाई
jarata bilōkēuom jabahiṃ kapālā. bidhi kē likhē aṃka nija bhālā..
nara kēṃ kara āpana badha bāomcī. hasēuom jāni bidhi girā asāomcī..
sōu mana samujhi trāsa nahiṃ mōrēṃ. likhā biraṃci jaraṭha mati bhōrēṃ..
āna bīra bala saṭha mama āgēṃ. puni puni kahasi lāja pati tyāgē..
kaha aṃgada salajja jaga māhīṃ. rāvana tōhi samāna kōu nāhīṃ..
lājavaṃta tava sahaja subhāū. nija mukha nija guna kahasi na kāū..
sira aru saila kathā cita rahī. tātē bāra bīsa taiṃ kahī..
sō bhujabala rākhēu ura ghālī. jītēhu sahasabāhu bali bālī..
sunu matimaṃda dēhi aba pūrā. kāṭēṃ sīsa ki hōia sūrā..
iṃdrajāli kahu kahia na bīrā. kāṭai nija kara sakala sarīrā..
चौपाई
aba jani batabaḍhaāva khala karahī. sunu mama bacana māna pariharahī..
dasamukha maiṃ na basīṭhīṃ āyauom. asa bicāri raghubīra paṭhāyauom..
bāra bāra asa kahai kṛpālā. nahiṃ gajāri jasu badhēṃ sṛkālā..
mana mahuom samujhi bacana prabhu kērē. sahēuom kaṭhōra bacana saṭha tērē..
nāhiṃ ta kari mukha bhaṃjana tōrā. lai jātēuom sītahi barajōrā..
jānēuom tava bala adhama surārī. sūnēṃ hari ānihi paranārī..
taiṃ nisicara pati garba bahūtā. maiṃ raghupati sēvaka kara dūtā..
jauṃ na rāma apamānahi ḍarauom. tōhi dēkhata asa kautuka karaūom..
दोहा/सोरठा
tōhi paṭaki mahi sēna hati caupaṭa kari tava gāuom.
tava jubatinha samēta saṭha janakasutahi lai jāuom..30..
