चौपाई
रिपु के समाचार जब पाए। राम सचिव सब निकट बोलाए।।
लंका बाँके चारि दुआरा। केहि बिधि लागिअ करहु बिचारा।।
तब कपीस रिच्छेस बिभीषन। सुमिरि हृदयँ दिनकर कुल भूषन।।
करि बिचार तिन्ह मंत्र दृढ़ावा। चारि अनी कपि कटकु बनावा।।
जथाजोग सेनापति कीन्हे। जूथप सकल बोलि तब लीन्हे।।
प्रभु प्रताप कहि सब समुझाए। सुनि कपि सिंघनाद करि धाए।।
हरषित राम चरन सिर नावहिं। गहि गिरि सिखर बीर सब धावहिं।।
गर्जहिं तर्जहिं भालु कपीसा। जय रघुबीर कोसलाधीसा।।
जानत परम दुर्ग अति लंका। प्रभु प्रताप कपि चले असंका।।
घटाटोप करि चहुँ दिसि घेरी। मुखहिं निसान बजावहीं भेरी।।
दोहा/सोरठा
जयति राम जय लछिमन जय कपीस सुग्रीव।
गर्जहिं सिंघनाद कपि भालु महा बल सींव।।39।।
चौपाई
लंकाँ भयउ कोलाहल भारी। सुना दसानन अति अहँकारी।।
देखहु बनरन्ह केरि ढिठाई। बिहँसि निसाचर सेन बोलाई।।
आए कीस काल के प्रेरे। छुधावंत सब निसिचर मेरे।।
अस कहि अट्टहास सठ कीन्हा। गृह बैठे अहार बिधि दीन्हा।।
सुभट सकल चारिहुँ दिसि जाहू। धरि धरि भालु कीस सब खाहू।।
उमा रावनहि अस अभिमाना। जिमि टिट्टिभ खग सूत उताना।।
चले निसाचर आयसु मागी। गहि कर भिंडिपाल बर साँगी।।
तोमर मुग्दर परसु प्रचंडा। सुल कृपान परिघ गिरिखंडा।।
जिमि अरुनोपल निकर निहारी। धावहिं सठ खग मांस अहारी।।
चोंच भंग दुख तिन्हहि न सूझा। तिमि धाए मनुजाद अबूझा।।
दोहा/सोरठा
नानायुध सर चाप धर जातुधान बल बीर।
कोट कँगूरन्हि चढ़ि गए कोटि कोटि रनधीर।।40।।
चौपाई
ripu kē samācāra jaba pāē. rāma saciva saba nikaṭa bōlāē..
laṃkā bāomkē cāri duārā. kēhi bidhi lāgia karahu bicārā..
taba kapīsa ricchēsa bibhīṣana. sumiri hṛdayaom dinakara kula bhūṣana..
kari bicāra tinha maṃtra dṛḍhaāvā. cāri anī kapi kaṭaku banāvā..
jathājōga sēnāpati kīnhē. jūthapa sakala bōli taba līnhē..
prabhu pratāpa kahi saba samujhāē. suni kapi siṃghanāda kari dhāē..
haraṣita rāma carana sira nāvahiṃ. gahi giri sikhara bīra saba dhāvahiṃ..
garjahiṃ tarjahiṃ bhālu kapīsā. jaya raghubīra kōsalādhīsā..
jānata parama durga ati laṃkā. prabhu pratāpa kapi calē asaṃkā..
ghaṭāṭōpa kari cahuom disi ghērī. mukhahiṃ nisāna bajāvahīṃ bhērī..
चौपाई
laṃkāom bhayau kōlāhala bhārī. sunā dasānana ati ahaomkārī..
dēkhahu banaranha kēri ḍhiṭhāī. bihaomsi nisācara sēna bōlāī..
āē kīsa kāla kē prērē. chudhāvaṃta saba nisicara mērē..
asa kahi aṭṭahāsa saṭha kīnhā. gṛha baiṭhē ahāra bidhi dīnhā..
subhaṭa sakala cārihuom disi jāhū. dhari dhari bhālu kīsa saba khāhū..
umā rāvanahi asa abhimānā. jimi ṭiṭṭibha khaga sūta utānā..
calē nisācara āyasu māgī. gahi kara bhiṃḍipāla bara sāomgī..
tōmara mugdara parasu pracaṃḍā. sula kṛpāna parigha girikhaṃḍā..
jimi arunōpala nikara nihārī. dhāvahiṃ saṭha khaga māṃsa ahārī..
cōṃca bhaṃga dukha tinhahi na sūjhā. timi dhāē manujāda abūjhā..
