चौपाई
पुनि प्रभु बोलि लियउ हनुमाना। लंका जाहु कहेउ भगवाना।।
समाचार जानकिहि सुनावहु। तासु कुसल लै तुम्ह चलि आवहु।।
तब हनुमंत नगर महुँ आए। सुनि निसिचरी निसाचर धाए।।
बहु प्रकार तिन्ह पूजा कीन्ही। जनकसुता देखाइ पुनि दीन्ही।।
दूरहि ते प्रनाम कपि कीन्हा। रघुपति दूत जानकीं चीन्हा।।
कहहु तात प्रभु कृपानिकेता। कुसल अनुज कपि सेन समेता।।
सब बिधि कुसल कोसलाधीसा। मातु समर जीत्यो दससीसा।।
अबिचल राजु बिभीषन पायो। सुनि कपि बचन हरष उर छायो।।
चौपाई
अब सोइ जतन करहु तुम्ह ताता। देखौं नयन स्याम मृदु गाता।।
तब हनुमान राम पहिं जाई। जनकसुता कै कुसल सुनाई।।
सुनि संदेसु भानुकुलभूषन। बोलि लिए जुबराज बिभीषन।।
मारुतसुत के संग सिधावहु। सादर जनकसुतहि लै आवहु।।
तुरतहिं सकल गए जहँ सीता। सेवहिं सब निसिचरीं बिनीता।।
बेगि बिभीषन तिन्हहि सिखायो। तिन्ह बहु बिधि मज्जन करवायो।।
बहु प्रकार भूषन पहिराए। सिबिका रुचिर साजि पुनि ल्याए।।
ता पर हरषि चढ़ी बैदेही। सुमिरि राम सुखधाम सनेही।।
बेतपानि रच्छक चहुँ पासा। चले सकल मन परम हुलासा।।
देखन भालु कीस सब आए। रच्छक कोपि निवारन धाए।।
कह रघुबीर कहा मम मानहु। सीतहि सखा पयादें आनहु।।
देखहुँ कपि जननी की नाईं। बिहसि कहा रघुनाथ गोसाई।।
सुनि प्रभु बचन भालु कपि हरषे। नभ ते सुरन्ह सुमन बहु बरषे।।
सीता प्रथम अनल महुँ राखी। प्रगट कीन्हि चह अंतर साखी।।
चौपाई
puni prabhu bōli liyau hanumānā. laṃkā jāhu kahēu bhagavānā..
samācāra jānakihi sunāvahu. tāsu kusala lai tumha cali āvahu..
taba hanumaṃta nagara mahuom āē. suni nisicarī nisācara dhāē..
bahu prakāra tinha pūjā kīnhī. janakasutā dēkhāi puni dīnhī..
dūrahi tē pranāma kapi kīnhā. raghupati dūta jānakīṃ cīnhā..
kahahu tāta prabhu kṛpānikētā. kusala anuja kapi sēna samētā..
saba bidhi kusala kōsalādhīsā. mātu samara jītyō dasasīsā..
abicala rāju bibhīṣana pāyō. suni kapi bacana haraṣa ura chāyō..
चौपाई
aba sōi jatana karahu tumha tātā. dēkhauṃ nayana syāma mṛdu gātā..
taba hanumāna rāma pahiṃ jāī. janakasutā kai kusala sunāī..
suni saṃdēsu bhānukulabhūṣana. bōli liē jubarāja bibhīṣana..
mārutasuta kē saṃga sidhāvahu. sādara janakasutahi lai āvahu..
turatahiṃ sakala gaē jahaom sītā. sēvahiṃ saba nisicarīṃ binītā..
bēgi bibhīṣana tinhahi sikhāyō. tinha bahu bidhi majjana karavāyō..
bahu prakāra bhūṣana pahirāē. sibikā rucira sāji puni lyāē..
tā para haraṣi caḍhaī baidēhī. sumiri rāma sukhadhāma sanēhī..
bētapāni racchaka cahuom pāsā. calē sakala mana parama hulāsā..
dēkhana bhālu kīsa saba āē. racchaka kōpi nivārana dhāē..
kaha raghubīra kahā mama mānahu. sītahi sakhā payādēṃ ānahu..
dēkhahuom kapi jananī kī nāīṃ. bihasi kahā raghunātha gōsāī..
suni prabhu bacana bhālu kapi haraṣē. nabha tē suranha sumana bahu baraṣē..
sītā prathama anala mahuom rākhī. pragaṭa kīnhi caha aṃtara sākhī..
