चौपाई
कह लंकेस कवन तैं कीसा। केहिं के बल घालेहि बन खीसा।।
की धौं श्रवन सुनेहि नहिं मोही। देखउँ अति असंक सठ तोही।।
मारे निसिचर केहिं अपराधा। कहु सठ तोहि न प्रान कइ बाधा।।
सुन रावन ब्रह्मांड निकाया। पाइ जासु बल बिरचित माया।।
जाकें बल बिरंचि हरि ईसा। पालत सृजत हरत दससीसा।
जा बल सीस धरत सहसानन। अंडकोस समेत गिरि कानन।।
धरइ जो बिबिध देह सुरत्राता। तुम्ह ते सठन्ह सिखावनु दाता।
हर कोदंड कठिन जेहि भंजा। तेहि समेत नृप दल मद गंजा।।
खर दूषन त्रिसिरा अरु बाली। बधे सकल अतुलित बलसाली।।
दोहा/सोरठा
जाके बल लवलेस तें जितेहु चराचर झारि।
तासु दूत मैं जा करि हरि आनेहु प्रिय नारि।।21।।
चौपाई
जानउँ मैं तुम्हारि प्रभुताई। सहसबाहु सन परी लराई।।
समर बालि सन करि जसु पावा। सुनि कपि बचन बिहसि बिहरावा।।
खायउँ फल प्रभु लागी भूँखा। कपि सुभाव तें तोरेउँ रूखा।।
सब कें देह परम प्रिय स्वामी। मारहिं मोहि कुमारग गामी।।
जिन्ह मोहि मारा ते मैं मारे। तेहि पर बाँधेउ तनयँ तुम्हारे।।
मोहि न कछु बाँधे कइ लाजा। कीन्ह चहउँ निज प्रभु कर काजा।।
बिनती करउँ जोरि कर रावन। सुनहु मान तजि मोर सिखावन।।
देखहु तुम्ह निज कुलहि बिचारी। भ्रम तजि भजहु भगत भय हारी।।
जाकें डर अति काल डेराई। जो सुर असुर चराचर खाई।।
तासों बयरु कबहुँ नहिं कीजै। मोरे कहें जानकी दीजै।।
दोहा/सोरठा
प्रनतपाल रघुनायक करुना सिंधु खरारि।
गएँ सरन प्रभु राखिहैं तव अपराध बिसारि।।22।।
चौपाई
kaha laṃkēsa kavana taiṃ kīsā. kēhiṃ kē bala ghālēhi bana khīsā..
kī dhauṃ śravana sunēhi nahiṃ mōhī. dēkhauom ati asaṃka saṭha tōhī..
mārē nisicara kēhiṃ aparādhā. kahu saṭha tōhi na prāna kai bādhā..
suna rāvana brahmāṃḍa nikāyā. pāi jāsu bala biracita māyā..
jākēṃ bala biraṃci hari īsā. pālata sṛjata harata dasasīsā.
jā bala sīsa dharata sahasānana. aṃḍakōsa samēta giri kānana..
dharai jō bibidha dēha suratrātā. tumha tē saṭhanha sikhāvanu dātā.
hara kōdaṃḍa kaṭhina jēhi bhaṃjā. tēhi samēta nṛpa dala mada gaṃjā..
khara dūṣana trisirā aru bālī. badhē sakala atulita balasālī..
चौपाई
jānauom maiṃ tumhāri prabhutāī. sahasabāhu sana parī larāī..
samara bāli sana kari jasu pāvā. suni kapi bacana bihasi biharāvā..
khāyauom phala prabhu lāgī bhūomkhā. kapi subhāva tēṃ tōrēuom rūkhā..
saba kēṃ dēha parama priya svāmī. mārahiṃ mōhi kumāraga gāmī..
jinha mōhi mārā tē maiṃ mārē. tēhi para bāomdhēu tanayaom tumhārē..
mōhi na kachu bāomdhē kai lājā. kīnha cahauom nija prabhu kara kājā..
binatī karauom jōri kara rāvana. sunahu māna taji mōra sikhāvana..
dēkhahu tumha nija kulahi bicārī. bhrama taji bhajahu bhagata bhaya hārī..
jākēṃ ḍara ati kāla ḍērāī. jō sura asura carācara khāī..
tāsōṃ bayaru kabahuom nahiṃ kījai. mōrē kahēṃ jānakī dījai..
