चौपाई
सभय सिंधु गहि पद प्रभु केरे। छमहु नाथ सब अवगुन मेरे।।
गगन समीर अनल जल धरनी। इन्ह कइ नाथ सहज जड़ करनी।।
तव प्रेरित मायाँ उपजाए। सृष्टि हेतु सब ग्रंथनि गाए।।
प्रभु आयसु जेहि कहँ जस अहई। सो तेहि भाँति रहे सुख लहई।।
प्रभु भल कीन्ही मोहि सिख दीन्ही। मरजादा पुनि तुम्हरी कीन्ही।।
ढोल गवाँर सूद्र पसु नारी। सकल ताड़ना के अधिकारी।।
प्रभु प्रताप मैं जाब सुखाई। उतरिहि कटकु न मोरि बड़ाई।।
प्रभु अग्या अपेल श्रुति गाई। करौं सो बेगि जौ तुम्हहि सोहाई।।
दोहा/सोरठा
सुनत बिनीत बचन अति कह कृपाल मुसुकाइ।
जेहि बिधि उतरै कपि कटकु तात सो कहहु उपाइ।।59।।
चौपाई
नाथ नील नल कपि द्वौ भाई। लरिकाई रिषि आसिष पाई।।
तिन्ह के परस किएँ गिरि भारे। तरिहहिं जलधि प्रताप तुम्हारे।।
मैं पुनि उर धरि प्रभुताई। करिहउँ बल अनुमान सहाई।।
एहि बिधि नाथ पयोधि बँधाइअ। जेहिं यह सुजसु लोक तिहुँ गाइअ।।
एहि सर मम उत्तर तट बासी। हतहु नाथ खल नर अघ रासी।।
सुनि कृपाल सागर मन पीरा। तुरतहिं हरी राम रनधीरा।।
देखि राम बल पौरुष भारी। हरषि पयोनिधि भयउ सुखारी।।
सकल चरित कहि प्रभुहि सुनावा। चरन बंदि पाथोधि सिधावा।।
छंद
निज भवन गवनेउ सिंधु श्रीरघुपतिहि यह मत भायऊ।
यह चरित कलि मलहर जथामति दास तुलसी गायऊ।।
सुख भवन संसय समन दवन बिषाद रघुपति गुन गना।।
तजि सकल आस भरोस गावहि सुनहि संतत सठ मना।।
दोहा/सोरठा
सकल सुमंगल दायक रघुनायक गुन गान।
सादर सुनहिं ते तरहिं भव सिंधु बिना जलजान।।60।।
चौपाई
sabhaya siṃdhu gahi pada prabhu kērē. chamahu nātha saba avaguna mērē..
gagana samīra anala jala dharanī. inha kai nātha sahaja jaḍa karanī..
tava prērita māyāom upajāē. sṛṣṭi hētu saba graṃthani gāē..
prabhu āyasu jēhi kahaom jasa ahaī. sō tēhi bhāomti rahē sukha lahaī..
prabhu bhala kīnhī mōhi sikha dīnhī. marajādā puni tumharī kīnhī..
ḍhōla gavāomra sūdra pasu nārī. sakala tāḍanā kē adhikārī..
prabhu pratāpa maiṃ jāba sukhāī. utarihi kaṭaku na mōri baḍaāī..
prabhu agyā apēla śruti gāī. karauṃ sō bēgi jau tumhahi sōhāī..
चौपाई
nātha nīla nala kapi dvau bhāī. larikāī riṣi āsiṣa pāī..
tinha kē parasa kiēom giri bhārē. tarihahiṃ jaladhi pratāpa tumhārē..
maiṃ puni ura dhari prabhutāī. karihauom bala anumāna sahāī..
ēhi bidhi nātha payōdhi baomdhāia. jēhiṃ yaha sujasu lōka tihuom gāia..
ēhi sara mama uttara taṭa bāsī. hatahu nātha khala nara agha rāsī..
suni kṛpāla sāgara mana pīrā. turatahiṃ harī rāma ranadhīrā..
dēkhi rāma bala pauruṣa bhārī. haraṣi payōnidhi bhayau sukhārī..
sakala carita kahi prabhuhi sunāvā. carana baṃdi pāthōdhi sidhāvā..
