चौपाई
मामवलोकय पंकज लोचन। कृपा बिलोकनि सोच बिमोचन।।
नील तामरस स्याम काम अरि। हृदय कंज मकरंद मधुप हरि।।
जातुधान बरूथ बल भंजन। मुनि सज्जन रंजन अघ गंजन।।
भूसुर ससि नव बृंद बलाहक। असरन सरन दीन जन गाहक।।
भुज बल बिपुल भार महि खंडित। खर दूषन बिराध बध पंडित।।
रावनारि सुखरूप भूपबर। जय दसरथ कुल कुमुद सुधाकर।।
सुजस पुरान बिदित निगमागम। गावत सुर मुनि संत समागम।।
कारुनीक ब्यलीक मद खंडन। सब बिधि कुसल कोसला मंडन।।
कलि मल मथन नाम ममताहन। तुलसीदास प्रभु पाहि प्रनत जन।।
चौपाई
गिरिजा सुनहु बिसद यह कथा। मैं सब कही मोरि मति जथा।।
राम चरित सत कोटि अपारा। श्रुति सारदा न बरनै पारा।।
राम अनंत अनंत गुनानी। जन्म कर्म अनंत नामानी।।
जल सीकर महि रज गनि जाहीं। रघुपति चरित न बरनि सिराहीं।।
बिमल कथा हरि पद दायनी। भगति होइ सुनि अनपायनी।।
उमा कहिउँ सब कथा सुहाई। जो भुसुंडि खगपतिहि सुनाई।।
कछुक राम गुन कहेउँ बखानी। अब का कहौं सो कहहु भवानी।।
सुनि सुभ कथा उमा हरषानी। बोली अति बिनीत मृदु बानी।।
धन्य धन्य मैं धन्य पुरारी। सुनेउँ राम गुन भव भय हारी।।
चौपाई
māmavalōkaya paṃkaja lōcana. kṛpā bilōkani sōca bimōcana..
nīla tāmarasa syāma kāma ari. hṛdaya kaṃja makaraṃda madhupa hari..
jātudhāna barūtha bala bhaṃjana. muni sajjana raṃjana agha gaṃjana..
bhūsura sasi nava bṛṃda balāhaka. asarana sarana dīna jana gāhaka..
bhuja bala bipula bhāra mahi khaṃḍita. khara dūṣana birādha badha paṃḍita..
rāvanāri sukharūpa bhūpabara. jaya dasaratha kula kumuda sudhākara..
sujasa purāna bidita nigamāgama. gāvata sura muni saṃta samāgama..
kārunīka byalīka mada khaṃḍana. saba bidhi kusala kōsalā maṃḍana..
kali mala mathana nāma mamatāhana. tulasīdāsa prabhu pāhi pranata jana..
चौपाई
girijā sunahu bisada yaha kathā. maiṃ saba kahī mōri mati jathā..
rāma carita sata kōṭi apārā. śruti sāradā na baranai pārā..
rāma anaṃta anaṃta gunānī. janma karma anaṃta nāmānī..
jala sīkara mahi raja gani jāhīṃ. raghupati carita na barani sirāhīṃ..
bimala kathā hari pada dāyanī. bhagati hōi suni anapāyanī..
umā kahiuom saba kathā suhāī. jō bhusuṃḍi khagapatihi sunāī..
kachuka rāma guna kahēuom bakhānī. aba kā kahauṃ sō kahahu bhavānī..
suni subha kathā umā haraṣānī. bōlī ati binīta mṛdu bānī..
dhanya dhanya maiṃ dhanya purārī. sunēuom rāma guna bhava bhaya hārī..
