चौपाई
देखि चरित यह सो प्रभुताई। समुझत देह दसा बिसराई।।
धरनि परेउँ मुख आव न बाता। त्राहि त्राहि आरत जन त्राता।।
प्रेमाकुल प्रभु मोहि बिलोकी। निज माया प्रभुता तब रोकी।।
कर सरोज प्रभु मम सिर धरेऊ। दीनदयाल सकल दुख हरेऊ।।
कीन्ह राम मोहि बिगत बिमोहा। सेवक सुखद कृपा संदोहा।।
प्रभुता प्रथम बिचारि बिचारी। मन महँ होइ हरष अति भारी।।
भगत बछलता प्रभु कै देखी। उपजी मम उर प्रीति बिसेषी।।
सजल नयन पुलकित कर जोरी। कीन्हिउँ बहु बिधि बिनय बहोरी।।
चौपाई
ग्यान बिबेक बिरति बिग्याना। मुनि दुर्लभ गुन जे जग नाना।।
आजु देउँ सब संसय नाहीं। मागु जो तोहि भाव मन माहीं।।
सुनि प्रभु बचन अधिक अनुरागेउँ। मन अनुमान करन तब लागेऊँ।।
प्रभु कह देन सकल सुख सही। भगति आपनी देन न कही।।
भगति हीन गुन सब सुख ऐसे। लवन बिना बहु बिंजन जैसे।।
भजन हीन सुख कवने काजा। अस बिचारि बोलेउँ खगराजा।।
जौं प्रभु होइ प्रसन्न बर देहू। मो पर करहु कृपा अरु नेहू।।
मन भावत बर मागउँ स्वामी। तुम्ह उदार उर अंतरजामी।।
चौपाई
dēkhi carita yaha sō prabhutāī. samujhata dēha dasā bisarāī..
dharani parēuom mukha āva na bātā. trāhi trāhi ārata jana trātā..
prēmākula prabhu mōhi bilōkī. nija māyā prabhutā taba rōkī..
kara sarōja prabhu mama sira dharēū. dīnadayāla sakala dukha harēū..
kīnha rāma mōhi bigata bimōhā. sēvaka sukhada kṛpā saṃdōhā..
prabhutā prathama bicāri bicārī. mana mahaom hōi haraṣa ati bhārī..
bhagata bachalatā prabhu kai dēkhī. upajī mama ura prīti bisēṣī..
sajala nayana pulakita kara jōrī. kīnhiuom bahu bidhi binaya bahōrī..
चौपाई
gyāna bibēka birati bigyānā. muni durlabha guna jē jaga nānā..
āju dēuom saba saṃsaya nāhīṃ. māgu jō tōhi bhāva mana māhīṃ..
suni prabhu bacana adhika anurāgēuom. mana anumāna karana taba lāgēūom..
prabhu kaha dēna sakala sukha sahī. bhagati āpanī dēna na kahī..
bhagati hīna guna saba sukha aisē. lavana binā bahu biṃjana jaisē..
bhajana hīna sukha kavanē kājā. asa bicāri bōlēuom khagarājā..
jauṃ prabhu hōi prasanna bara dēhū. mō para karahu kṛpā aru nēhū..
mana bhāvata bara māgauom svāmī. tumha udāra ura aṃtarajāmī..
