चौपाई
सुनि रघुपति के बचन सुहाए। मुनि तन पुलक नयन भरि आए।।
कहहु कवन प्रभु कै असि रीती। सेवक पर ममता अरु प्रीती।।
जे न भजहिं अस प्रभु भ्रम त्यागी। ग्यान रंक नर मंद अभागी।।
पुनि सादर बोले मुनि नारद। सुनहु राम बिग्यान बिसारद।।
संतन्ह के लच्छन रघुबीरा। कहहु नाथ भव भंजन भीरा।।
सुनु मुनि संतन्ह के गुन कहऊँ। जिन्ह ते मैं उन्ह कें बस रहऊँ।।
षट बिकार जित अनघ अकामा। अचल अकिंचन सुचि सुखधामा।।
अमितबोध अनीह मितभोगी। सत्यसार कबि कोबिद जोगी।।
सावधान मानद मदहीना। धीर धर्म गति परम प्रबीना।।
दोहा/सोरठा
गुनागार संसार दुख रहित बिगत संदेह।।
तजि मम चरन सरोज प्रिय तिन्ह कहुँ देह न गेह।।45।।
चौपाई
निज गुन श्रवन सुनत सकुचाहीं। पर गुन सुनत अधिक हरषाहीं।।
सम सीतल नहिं त्यागहिं नीती। सरल सुभाउ सबहिं सन प्रीती।।
जप तप ब्रत दम संजम नेमा। गुरु गोबिंद बिप्र पद प्रेमा।।
श्रद्धा छमा मयत्री दाया। मुदिता मम पद प्रीति अमाया।।
बिरति बिबेक बिनय बिग्याना। बोध जथारथ बेद पुराना।।
दंभ मान मद करहिं न काऊ। भूलि न देहिं कुमारग पाऊ।।
गावहिं सुनहिं सदा मम लीला। हेतु रहित परहित रत सीला।।
मुनि सुनु साधुन्ह के गुन जेते। कहि न सकहिं सारद श्रुति तेते।।
चौपाई
suni raghupati kē bacana suhāē. muni tana pulaka nayana bhari āē..
kahahu kavana prabhu kai asi rītī. sēvaka para mamatā aru prītī..
jē na bhajahiṃ asa prabhu bhrama tyāgī. gyāna raṃka nara maṃda abhāgī..
puni sādara bōlē muni nārada. sunahu rāma bigyāna bisārada..
saṃtanha kē lacchana raghubīrā. kahahu nātha bhava bhaṃjana bhīrā..
sunu muni saṃtanha kē guna kahaūom. jinha tē maiṃ unha kēṃ basa rahaūom..
ṣaṭa bikāra jita anagha akāmā. acala akiṃcana suci sukhadhāmā..
amitabōdha anīha mitabhōgī. satyasāra kabi kōbida jōgī..
sāvadhāna mānada madahīnā. dhīra dharma gati parama prabīnā..
चौपाई
nija guna śravana sunata sakucāhīṃ. para guna sunata adhika haraṣāhīṃ..
sama sītala nahiṃ tyāgahiṃ nītī. sarala subhāu sabahiṃ sana prītī..
japa tapa brata dama saṃjama nēmā. guru gōbiṃda bipra pada prēmā..
śraddhā chamā mayatrī dāyā. muditā mama pada prīti amāyā..
birati bibēka binaya bigyānā. bōdha jathāratha bēda purānā..
daṃbha māna mada karahiṃ na kāū. bhūli na dēhiṃ kumāraga pāū..
gāvahiṃ sunahiṃ sadā mama līlā. hētu rahita parahita rata sīlā..
muni sunu sādhunha kē guna jētē. kahi na sakahiṃ sārada śruti tētē..
