चौपाई
अति प्रसन्न रघुनाथहि जानी। पुनि नारद बोले मृदु बानी।।
राम जबहिं प्रेरेउ निज माया। मोहेहु मोहि सुनहु रघुराया।।
तब बिबाह मैं चाहउँ कीन्हा। प्रभु केहि कारन करै न दीन्हा।।
सुनु मुनि तोहि कहउँ सहरोसा। भजहिं जे मोहि तजि सकल भरोसा।।
करउँ सदा तिन्ह कै रखवारी। जिमि बालक राखइ महतारी।।
गह सिसु बच्छ अनल अहि धाई। तहँ राखइ जननी अरगाई।।
प्रौढ़ भएँ तेहि सुत पर माता। प्रीति करइ नहिं पाछिलि बाता।।
मोरे प्रौढ़ तनय सम ग्यानी। बालक सुत सम दास अमानी।।
जनहि मोर बल निज बल ताही। दुहु कहँ काम क्रोध रिपु आही।।
यह बिचारि पंडित मोहि भजहीं। पाएहुँ ग्यान भगति नहिं तजहीं।।
दोहा/सोरठा
काम क्रोध लोभादि मद प्रबल मोह कै धारि।
तिन्ह महँ अति दारुन दुखद मायारूपी नारि।।43।।
चौपाई
सुनि मुनि कह पुरान श्रुति संता। मोह बिपिन कहुँ नारि बसंता।।
जप तप नेम जलाश्रय झारी। होइ ग्रीषम सोषइ सब नारी।।
काम क्रोध मद मत्सर भेका। इन्हहि हरषप्रद बरषा एका।।
दुर्बासना कुमुद समुदाई। तिन्ह कहँ सरद सदा सुखदाई।।
धर्म सकल सरसीरुह बृंदा। होइ हिम तिन्हहि दहइ सुख मंदा।।
पुनि ममता जवास बहुताई। पलुहइ नारि सिसिर रितु पाई।।
पाप उलूक निकर सुखकारी। नारि निबिड़ रजनी अँधिआरी।।
बुधि बल सील सत्य सब मीना। बनसी सम त्रिय कहहिं प्रबीना।।
दोहा/सोरठा
अवगुन मूल सूलप्रद प्रमदा सब दुख खानि।
ताते कीन्ह निवारन मुनि मैं यह जियँ जानि।।44।।
चौपाई
ati prasanna raghunāthahi jānī. puni nārada bōlē mṛdu bānī..
rāma jabahiṃ prērēu nija māyā. mōhēhu mōhi sunahu raghurāyā..
taba bibāha maiṃ cāhauom kīnhā. prabhu kēhi kārana karai na dīnhā..
sunu muni tōhi kahauom saharōsā. bhajahiṃ jē mōhi taji sakala bharōsā..
karauom sadā tinha kai rakhavārī. jimi bālaka rākhai mahatārī..
gaha sisu baccha anala ahi dhāī. tahaom rākhai jananī aragāī..
prauḍha bhaēom tēhi suta para mātā. prīti karai nahiṃ pāchili bātā..
mōrē prauḍha tanaya sama gyānī. bālaka suta sama dāsa amānī..
janahi mōra bala nija bala tāhī. duhu kahaom kāma krōdha ripu āhī..
yaha bicāri paṃḍita mōhi bhajahīṃ. pāēhuom gyāna bhagati nahiṃ tajahīṃ..
चौपाई
suni muni kaha purāna śruti saṃtā. mōha bipina kahuom nāri basaṃtā..
japa tapa nēma jalāśraya jhārī. hōi grīṣama sōṣai saba nārī..
kāma krōdha mada matsara bhēkā. inhahi haraṣaprada baraṣā ēkā..
durbāsanā kumuda samudāī. tinha kahaom sarada sadā sukhadāī..
dharma sakala sarasīruha bṛṃdā. hōi hima tinhahi dahai sukha maṃdā..
puni mamatā javāsa bahutāī. paluhai nāri sisira ritu pāī..
pāpa ulūka nikara sukhakārī. nāri nibiḍa rajanī aomdhiārī..
budhi bala sīla satya saba mīnā. banasī sama triya kahahiṃ prabīnā..
