चौपाई
मुनि पद कमल नाइ करि सीसा। चले बनहि सुर नर मुनि ईसा।।
आगे राम अनुज पुनि पाछें। मुनि बर बेष बने अति काछें।।
उमय बीच श्री सोहइ कैसी। ब्रह्म जीव बिच माया जैसी।।
सरिता बन गिरि अवघट घाटा। पति पहिचानी देहिं बर बाटा।।
जहँ जहँ जाहि देव रघुराया। करहिं मेध तहँ तहँ नभ छाया।।
मिला असुर बिराध मग जाता। आवतहीं रघुवीर निपाता।।
तुरतहिं रुचिर रूप तेहिं पावा। देखि दुखी निज धाम पठावा।।
पुनि आए जहँ मुनि सरभंगा। सुंदर अनुज जानकी संगा।।
दोहा/सोरठा
देखी राम मुख पंकज मुनिबर लोचन भृंग।
सादर पान करत अति धन्य जन्म सरभंग।।7।।
चौपाई
कह मुनि सुनु रघुबीर कृपाला। संकर मानस राजमराला।।
जात रहेउँ बिरंचि के धामा। सुनेउँ श्रवन बन ऐहहिं रामा।।
चितवत पंथ रहेउँ दिन राती। अब प्रभु देखि जुड़ानी छाती।।
नाथ सकल साधन मैं हीना। कीन्ही कृपा जानि जन दीना।।
सो कछु देव न मोहि निहोरा। निज पन राखेउ जन मन चोरा।।
तब लगि रहहु दीन हित लागी। जब लगि मिलौं तुम्हहि तनु त्यागी।।
जोग जग्य जप तप ब्रत कीन्हा। प्रभु कहँ देइ भगति बर लीन्हा।।
एहि बिधि सर रचि मुनि सरभंगा। बैठे हृदयँ छाड़ि सब संगा।।
दोहा/सोरठा
सीता अनुज समेत प्रभु नील जलद तनु स्याम।
मम हियँ बसहु निरंतर सगुनरुप श्रीराम।।8।।
चौपाई
muni pada kamala nāi kari sīsā. calē banahi sura nara muni īsā..
āgē rāma anuja puni pāchēṃ. muni bara bēṣa banē ati kāchēṃ..
umaya bīca śrī sōhai kaisī. brahma jīva bica māyā jaisī..
saritā bana giri avaghaṭa ghāṭā. pati pahicānī dēhiṃ bara bāṭā..
jahaom jahaom jāhi dēva raghurāyā. karahiṃ mēdha tahaom tahaom nabha chāyā..
milā asura birādha maga jātā. āvatahīṃ raghuvīra nipātā..
turatahiṃ rucira rūpa tēhiṃ pāvā. dēkhi dukhī nija dhāma paṭhāvā..
puni āē jahaom muni sarabhaṃgā. suṃdara anuja jānakī saṃgā..
चौपाई
kaha muni sunu raghubīra kṛpālā. saṃkara mānasa rājamarālā..
jāta rahēuom biraṃci kē dhāmā. sunēuom śravana bana aihahiṃ rāmā..
citavata paṃtha rahēuom dina rātī. aba prabhu dēkhi juḍaānī chātī..
nātha sakala sādhana maiṃ hīnā. kīnhī kṛpā jāni jana dīnā..
sō kachu dēva na mōhi nihōrā. nija pana rākhēu jana mana cōrā..
taba lagi rahahu dīna hita lāgī. jaba lagi milauṃ tumhahi tanu tyāgī..
jōga jagya japa tapa brata kīnhā. prabhu kahaom dēi bhagati bara līnhā..
ēhi bidhi sara raci muni sarabhaṃgā. baiṭhē hṛdayaom chāḍai saba saṃgā..
