चौपाई
कह मुनि प्रभु सुनु बिनती मोरी। अस्तुति करौं कवन बिधि तोरी।।
महिमा अमित मोरि मति थोरी। रबि सन्मुख खद्योत अँजोरी।।
श्याम तामरस दाम शरीरं। जटा मुकुट परिधन मुनिचीरं।।
पाणि चाप शर कटि तूणीरं। नौमि निरंतर श्रीरघुवीरं।।
मोह विपिन घन दहन कृशानुः। संत सरोरुह कानन भानुः।।
निशिचर करि वरूथ मृगराजः। त्रातु सदा नो भव खग बाजः।।
अरुण नयन राजीव सुवेशं। सीता नयन चकोर निशेशं।।
हर ह्रदि मानस बाल मरालं। नौमि राम उर बाहु विशालं।।
संशय सर्प ग्रसन उरगादः। शमन सुकर्कश तर्क विषादः।।
भव भंजन रंजन सुर यूथः। त्रातु सदा नो कृपा वरूथः।।
निर्गुण सगुण विषम सम रूपं। ज्ञान गिरा गोतीतमनूपं।।
अमलमखिलमनवद्यमपारं। नौमि राम भंजन महि भारं।।
भक्त कल्पपादप आरामः। तर्जन क्रोध लोभ मद कामः।।
अति नागर भव सागर सेतुः। त्रातु सदा दिनकर कुल केतुः।।
अतुलित भुज प्रताप बल धामः। कलि मल विपुल विभंजन नामः।।
धर्म वर्म नर्मद गुण ग्रामः। संतत शं तनोतु मम रामः।।
जदपि बिरज ब्यापक अबिनासी। सब के हृदयँ निरंतर बासी।।
तदपि अनुज श्री सहित खरारी। बसतु मनसि मम काननचारी।।
जे जानहिं ते जानहुँ स्वामी। सगुन अगुन उर अंतरजामी।।
जो कोसल पति राजिव नयना। करउ सो राम हृदय मम अयना।
अस अभिमान जाइ जनि भोरे। मैं सेवक रघुपति पति मोरे।।
सुनि मुनि बचन राम मन भाए। बहुरि हरषि मुनिबर उर लाए।।
परम प्रसन्न जानु मुनि मोही। जो बर मागहु देउ सो तोही।।
मुनि कह मै बर कबहुँ न जाचा। समुझि न परइ झूठ का साचा।।
तुम्हहि नीक लागै रघुराई। सो मोहि देहु दास सुखदाई।।
अबिरल भगति बिरति बिग्याना। होहु सकल गुन ग्यान निधाना।।
प्रभु जो दीन्ह सो बरु मैं पावा। अब सो देहु मोहि जो भावा।।
दोहा/सोरठा
अनुज जानकी सहित प्रभु चाप बान धर राम।
मम हिय गगन इंदु इव बसहु सदा निहकाम।।11।।
चौपाई
एवमस्तु करि रमानिवासा। हरषि चले कुभंज रिषि पासा।।
बहुत दिवस गुर दरसन पाएँ। भए मोहि एहिं आश्रम आएँ।।
अब प्रभु संग जाउँ गुर पाहीं। तुम्ह कहँ नाथ निहोरा नाहीं।।
देखि कृपानिधि मुनि चतुराई। लिए संग बिहसै द्वौ भाई।।
पंथ कहत निज भगति अनूपा। मुनि आश्रम पहुँचे सुरभूपा।।
तुरत सुतीछन गुर पहिं गयऊ। करि दंडवत कहत अस भयऊ।।
नाथ कौसलाधीस कुमारा। आए मिलन जगत आधारा।।
राम अनुज समेत बैदेही। निसि दिनु देव जपत हहु जेही।।
सुनत अगस्ति तुरत उठि धाए। हरि बिलोकि लोचन जल छाए।।
मुनि पद कमल परे द्वौ भाई। रिषि अति प्रीति लिए उर लाई।।
सादर कुसल पूछि मुनि ग्यानी। आसन बर बैठारे आनी।।
पुनि करि बहु प्रकार प्रभु पूजा। मोहि सम भाग्यवंत नहिं दूजा।।
जहँ लगि रहे अपर मुनि बृंदा। हरषे सब बिलोकि सुखकंदा।।
दोहा/सोरठा
मुनि समूह महँ बैठे सन्मुख सब की ओर।
सरद इंदु तन चितवत मानहुँ निकर चकोर।।12।।
चौपाई
kaha muni prabhu sunu binatī mōrī. astuti karauṃ kavana bidhi tōrī..
mahimā amita mōri mati thōrī. rabi sanmukha khadyōta aomjōrī..
śyāma tāmarasa dāma śarīraṃ. jaṭā mukuṭa paridhana municīraṃ..
pāṇi cāpa śara kaṭi tūṇīraṃ. naumi niraṃtara śrīraghuvīraṃ..
mōha vipina ghana dahana kṛśānuḥ. saṃta sarōruha kānana bhānuḥ..
niśicara kari varūtha mṛgarājaḥ. trātu sadā nō bhava khaga bājaḥ..
aruṇa nayana rājīva suvēśaṃ. sītā nayana cakōra niśēśaṃ..
hara hradi mānasa bāla marālaṃ. naumi rāma ura bāhu viśālaṃ..
saṃśaya sarpa grasana uragādaḥ. śamana sukarkaśa tarka viṣādaḥ..
bhava bhaṃjana raṃjana sura yūthaḥ. trātu sadā nō kṛpā varūthaḥ..
nirguṇa saguṇa viṣama sama rūpaṃ. jñāna girā gōtītamanūpaṃ..
amalamakhilamanavadyamapāraṃ. naumi rāma bhaṃjana mahi bhāraṃ..
bhakta kalpapādapa ārāmaḥ. tarjana krōdha lōbha mada kāmaḥ..
ati nāgara bhava sāgara sētuḥ. trātu sadā dinakara kula kētuḥ..
atulita bhuja pratāpa bala dhāmaḥ. kali mala vipula vibhaṃjana nāmaḥ..
dharma varma narmada guṇa grāmaḥ. saṃtata śaṃ tanōtu mama rāmaḥ..
jadapi biraja byāpaka abināsī. saba kē hṛdayaom niraṃtara bāsī..
tadapi anuja śrī sahita kharārī. basatu manasi mama kānanacārī..
jē jānahiṃ tē jānahuom svāmī. saguna aguna ura aṃtarajāmī..
jō kōsala pati rājiva nayanā. karau sō rāma hṛdaya mama ayanā.
asa abhimāna jāi jani bhōrē. maiṃ sēvaka raghupati pati mōrē..
suni muni bacana rāma mana bhāē. bahuri haraṣi munibara ura lāē..
parama prasanna jānu muni mōhī. jō bara māgahu dēu sō tōhī..
muni kaha mai bara kabahuom na jācā. samujhi na parai jhūṭha kā sācā..
tumhahi nīka lāgai raghurāī. sō mōhi dēhu dāsa sukhadāī..
abirala bhagati birati bigyānā. hōhu sakala guna gyāna nidhānā..
prabhu jō dīnha sō baru maiṃ pāvā. aba sō dēhu mōhi jō bhāvā..
चौपाई
ēvamastu kari ramānivāsā. haraṣi calē kubhaṃja riṣi pāsā..
bahuta divasa gura darasana pāēom. bhaē mōhi ēhiṃ āśrama āēom..
aba prabhu saṃga jāuom gura pāhīṃ. tumha kahaom nātha nihōrā nāhīṃ..
dēkhi kṛpānidhi muni caturāī. liē saṃga bihasai dvau bhāī..
paṃtha kahata nija bhagati anūpā. muni āśrama pahuomcē surabhūpā..
turata sutīchana gura pahiṃ gayaū. kari daṃḍavata kahata asa bhayaū..
nātha kausalādhīsa kumārā. āē milana jagata ādhārā..
rāma anuja samēta baidēhī. nisi dinu dēva japata hahu jēhī..
sunata agasti turata uṭhi dhāē. hari bilōki lōcana jala chāē..
muni pada kamala parē dvau bhāī. riṣi ati prīti liē ura lāī..
sādara kusala pūchi muni gyānī. āsana bara baiṭhārē ānī..
puni kari bahu prakāra prabhu pūjā. mōhi sama bhāgyavaṃta nahiṃ dūjā..
jahaom lagi rahē apara muni bṛṃdā. haraṣē saba bilōki sukhakaṃdā..
