चौपाई
नव बिधु बिमल तात जसु तोरा। रघुबर किंकर कुमुद चकोरा।।
उदित सदा अँथइहि कबहूँ ना। घटिहि न जग नभ दिन दिन दूना।।
कोक तिलोक प्रीति अति करिही। प्रभु प्रताप रबि छबिहि न हरिही।।
निसि दिन सुखद सदा सब काहू। ग्रसिहि न कैकइ करतबु राहू।।
पूरन राम सुपेम पियूषा। गुर अवमान दोष नहिं दूषा।।
राम भगत अब अमिअँ अघाहूँ। कीन्हेहु सुलभ सुधा बसुधाहूँ।।
भूप भगीरथ सुरसरि आनी। सुमिरत सकल सुंमगल खानी।।
दसरथ गुन गन बरनि न जाहीं। अधिकु कहा जेहि सम जग नाहीं।।
दोहा/सोरठा
जासु सनेह सकोच बस राम प्रगट भए आइ।।
जे हर हिय नयननि कबहुँ निरखे नहीं अघाइ।।209।।
चौपाई
कीरति बिधु तुम्ह कीन्ह अनूपा। जहँ बस राम पेम मृगरूपा।।
तात गलानि करहु जियँ जाएँ। डरहु दरिद्रहि पारसु पाएँ।।।।
सुनहु भरत हम झूठ न कहहीं। उदासीन तापस बन रहहीं।।
सब साधन कर सुफल सुहावा। लखन राम सिय दरसनु पावा।।
तेहि फल कर फलु दरस तुम्हारा। सहित पयाग सुभाग हमारा।।
भरत धन्य तुम्ह जसु जगु जयऊ। कहि अस पेम मगन पुनि भयऊ।।
सुनि मुनि बचन सभासद हरषे। साधु सराहि सुमन सुर बरषे।।
धन्य धन्य धुनि गगन पयागा। सुनि सुनि भरतु मगन अनुरागा।।
दोहा/सोरठा
पुलक गात हियँ रामु सिय सजल सरोरुह नैन।
करि प्रनामु मुनि मंडलिहि बोले गदगद बैन।।210।।
चौपाई
nava bidhu bimala tāta jasu tōrā. raghubara kiṃkara kumuda cakōrā..
udita sadā aomthaihi kabahūom nā. ghaṭihi na jaga nabha dina dina dūnā..
kōka tilōka prīti ati karihī. prabhu pratāpa rabi chabihi na harihī..
nisi dina sukhada sadā saba kāhū. grasihi na kaikai karatabu rāhū..
pūrana rāma supēma piyūṣā. gura avamāna dōṣa nahiṃ dūṣā..
rāma bhagata aba amiaom aghāhūom. kīnhēhu sulabha sudhā basudhāhūom..
bhūpa bhagīratha surasari ānī. sumirata sakala suṃmagala khānī..
dasaratha guna gana barani na jāhīṃ. adhiku kahā jēhi sama jaga nāhīṃ..
चौपाई
kīrati bidhu tumha kīnha anūpā. jahaom basa rāma pēma mṛgarūpā..
tāta galāni karahu jiyaom jāēom. ḍarahu daridrahi pārasu pāēom....
sunahu bharata hama jhūṭha na kahahīṃ. udāsīna tāpasa bana rahahīṃ..
saba sādhana kara suphala suhāvā. lakhana rāma siya darasanu pāvā..
tēhi phala kara phalu darasa tumhārā. sahita payāga subhāga hamārā..
bharata dhanya tumha jasu jagu jayaū. kahi asa pēma magana puni bhayaū..
suni muni bacana sabhāsada haraṣē. sādhu sarāhi sumana sura baraṣē..
dhanya dhanya dhuni gagana payāgā. suni suni bharatu magana anurāgā..
