चौपाई
यहउ कहत भल कहिहि न कोऊ। लोकु बेद बुध संमत दोऊ।।
तात तुम्हार बिमल जसु गाई। पाइहि लोकउ बेदु बड़ाई।।
लोक बेद संमत सबु कहई। जेहि पितु देइ राजु सो लहई।।
राउ सत्यब्रत तुम्हहि बोलाई। देत राजु सुखु धरमु बड़ाई।।
राम गवनु बन अनरथ मूला। जो सुनि सकल बिस्व भइ सूला।।
सो भावी बस रानि अयानी। करि कुचालि अंतहुँ पछितानी।।
तहँउँ तुम्हार अलप अपराधू। कहै सो अधम अयान असाधू।।
करतेहु राजु त तुम्हहि न दोषू। रामहि होत सुनत संतोषू।।
दोहा/सोरठा
अब अति कीन्हेहु भरत भल तुम्हहि उचित मत एहु।
सकल सुमंगल मूल जग रघुबर चरन सनेहु।।207।।
चौपाई
सो तुम्हार धनु जीवनु प्राना। भूरिभाग को तुम्हहि समाना।।
यह तम्हार आचरजु न ताता। दसरथ सुअन राम प्रिय भ्राता।।
सुनहु भरत रघुबर मन माहीं। पेम पात्रु तुम्ह सम कोउ नाहीं।।
लखन राम सीतहि अति प्रीती। निसि सब तुम्हहि सराहत बीती।।
जाना मरमु नहात प्रयागा। मगन होहिं तुम्हरें अनुरागा।।
तुम्ह पर अस सनेहु रघुबर कें। सुख जीवन जग जस जड़ नर कें।।
यह न अधिक रघुबीर बड़ाई। प्रनत कुटुंब पाल रघुराई।।
तुम्ह तौ भरत मोर मत एहू। धरें देह जनु राम सनेहू।।
दोहा/सोरठा
तुम्ह कहँ भरत कलंक यह हम सब कहँ उपदेसु।
राम भगति रस सिद्धि हित भा यह समउ गनेसु।।208।।
चौपाई
yahau kahata bhala kahihi na kōū. lōku bēda budha saṃmata dōū..
tāta tumhāra bimala jasu gāī. pāihi lōkau bēdu baḍaāī..
lōka bēda saṃmata sabu kahaī. jēhi pitu dēi rāju sō lahaī..
rāu satyabrata tumhahi bōlāī. dēta rāju sukhu dharamu baḍaāī..
rāma gavanu bana anaratha mūlā. jō suni sakala bisva bhai sūlā..
sō bhāvī basa rāni ayānī. kari kucāli aṃtahuom pachitānī..
tahaomuom tumhāra alapa aparādhū. kahai sō adhama ayāna asādhū..
karatēhu rāju ta tumhahi na dōṣū. rāmahi hōta sunata saṃtōṣū..
चौपाई
sō tumhāra dhanu jīvanu prānā. bhūribhāga kō tumhahi samānā..
yaha tamhāra ācaraju na tātā. dasaratha suana rāma priya bhrātā..
sunahu bharata raghubara mana māhīṃ. pēma pātru tumha sama kōu nāhīṃ..
lakhana rāma sītahi ati prītī. nisi saba tumhahi sarāhata bītī..
jānā maramu nahāta prayāgā. magana hōhiṃ tumharēṃ anurāgā..
tumha para asa sanēhu raghubara kēṃ. sukha jīvana jaga jasa jaḍa nara kēṃ..
yaha na adhika raghubīra baḍaāī. pranata kuṭuṃba pāla raghurāī..
tumha tau bharata mōra mata ēhū. dharēṃ dēha janu rāma sanēhū..
