चौपाई
नैहर जनमु भरब बरु जाइ। जिअत न करबि सवति सेवकाई।।
अरि बस दैउ जिआवत जाही। मरनु नीक तेहि जीवन चाही।।
दीन बचन कह बहुबिधि रानी। सुनि कुबरीं तियमाया ठानी।।
अस कस कहहु मानि मन ऊना। सुखु सोहागु तुम्ह कहुँ दिन दूना।।
जेहिं राउर अति अनभल ताका। सोइ पाइहि यहु फलु परिपाका।।
जब तें कुमत सुना मैं स्वामिनि। भूख न बासर नींद न जामिनि।।
पूँछेउ गुनिन्ह रेख तिन्ह खाँची। भरत भुआल होहिं यह साँची।।
भामिनि करहु त कहौं उपाऊ। है तुम्हरीं सेवा बस राऊ।।
दोहा/सोरठा
परउँ कूप तुअ बचन पर सकउँ पूत पति त्यागि।
कहसि मोर दुखु देखि बड़ कस न करब हित लागि।।21।।
चौपाई
कुबरीं करि कबुली कैकेई। कपट छुरी उर पाहन टेई।।
लखइ न रानि निकट दुखु कैंसे। चरइ हरित तिन बलिपसु जैसें।।
सुनत बात मृदु अंत कठोरी। देति मनहुँ मधु माहुर घोरी।।
कहइ चेरि सुधि अहइ कि नाही। स्वामिनि कहिहु कथा मोहि पाहीं।।
दुइ बरदान भूप सन थाती। मागहु आजु जुड़ावहु छाती।।
सुतहि राजु रामहि बनवासू। देहु लेहु सब सवति हुलासु।।
भूपति राम सपथ जब करई। तब मागेहु जेहिं बचनु न टरई।।
होइ अकाजु आजु निसि बीतें। बचनु मोर प्रिय मानेहु जी तें।।
दोहा/सोरठा
बड़ कुघातु करि पातकिनि कहेसि कोपगृहँ जाहु।
काजु सँवारेहु सजग सबु सहसा जनि पतिआहु।।22।।
चौपाई
naihara janamu bharaba baru jāi. jiata na karabi savati sēvakāī..
ari basa daiu jiāvata jāhī. maranu nīka tēhi jīvana cāhī..
dīna bacana kaha bahubidhi rānī. suni kubarīṃ tiyamāyā ṭhānī..
asa kasa kahahu māni mana ūnā. sukhu sōhāgu tumha kahuom dina dūnā..
jēhiṃ rāura ati anabhala tākā. sōi pāihi yahu phalu paripākā..
jaba tēṃ kumata sunā maiṃ svāmini. bhūkha na bāsara nīṃda na jāmini..
pūomchēu guninha rēkha tinha khāomcī. bharata bhuāla hōhiṃ yaha sāomcī..
bhāmini karahu ta kahauṃ upāū. hai tumharīṃ sēvā basa rāū..
चौपाई
kubarīṃ kari kabulī kaikēī. kapaṭa churī ura pāhana ṭēī..
lakhai na rāni nikaṭa dukhu kaiṃsē. carai harita tina balipasu jaisēṃ..
sunata bāta mṛdu aṃta kaṭhōrī. dēti manahuom madhu māhura ghōrī..
kahai cēri sudhi ahai ki nāhī. svāmini kahihu kathā mōhi pāhīṃ..
dui baradāna bhūpa sana thātī. māgahu āju juḍaāvahu chātī..
sutahi rāju rāmahi banavāsū. dēhu lēhu saba savati hulāsu..
bhūpati rāma sapatha jaba karaī. taba māgēhu jēhiṃ bacanu na ṭaraī..
hōi akāju āju nisi bītēṃ. bacanu mōra priya mānēhu jī tēṃ..
