चौपाई
कुबरिहि रानि प्रानप्रिय जानी। बार बार बड़ि बुद्धि बखानी।।
तोहि सम हित न मोर संसारा। बहे जात कइ भइसि अधारा।।
जौं बिधि पुरब मनोरथु काली। करौं तोहि चख पूतरि आली।।
बहुबिधि चेरिहि आदरु देई। कोपभवन गवनि कैकेई।।
बिपति बीजु बरषा रितु चेरी। भुइँ भइ कुमति कैकेई केरी।।
पाइ कपट जलु अंकुर जामा। बर दोउ दल दुख फल परिनामा।।
कोप समाजु साजि सबु सोई। राजु करत निज कुमति बिगोई।।
राउर नगर कोलाहलु होई। यह कुचालि कछु जान न कोई।।
दोहा/सोरठा
प्रमुदित पुर नर नारि। सब सजहिं सुमंगलचार।
एक प्रबिसहिं एक निर्गमहिं भीर भूप दरबार।।23।।
चौपाई
बाल सखा सुन हियँ हरषाहीं। मिलि दस पाँच राम पहिं जाहीं।।
प्रभु आदरहिं प्रेमु पहिचानी। पूँछहिं कुसल खेम मृदु बानी।।
फिरहिं भवन प्रिय आयसु पाई। करत परसपर राम बड़ाई।।
को रघुबीर सरिस संसारा। सीलु सनेह निबाहनिहारा।
जेंहि जेंहि जोनि करम बस भ्रमहीं। तहँ तहँ ईसु देउ यह हमहीं।।
सेवक हम स्वामी सियनाहू। होउ नात यह ओर निबाहू।।
अस अभिलाषु नगर सब काहू। कैकयसुता ह्दयँ अति दाहू।।
को न कुसंगति पाइ नसाई। रहइ न नीच मतें चतुराई।।
दोहा/सोरठा
साँस समय सानंद नृपु गयउ कैकेई गेहँ।
गवनु निठुरता निकट किय जनु धरि देह सनेहँ।।24।।
चौपाई
kubarihi rāni prānapriya jānī. bāra bāra baḍai buddhi bakhānī..
tōhi sama hita na mōra saṃsārā. bahē jāta kai bhaisi adhārā..
jauṃ bidhi puraba manōrathu kālī. karauṃ tōhi cakha pūtari ālī..
bahubidhi cērihi ādaru dēī. kōpabhavana gavani kaikēī..
bipati bīju baraṣā ritu cērī. bhuiom bhai kumati kaikēī kērī..
pāi kapaṭa jalu aṃkura jāmā. bara dōu dala dukha phala parināmā..
kōpa samāju sāji sabu sōī. rāju karata nija kumati bigōī..
rāura nagara kōlāhalu hōī. yaha kucāli kachu jāna na kōī..
चौपाई
bāla sakhā suna hiyaom haraṣāhīṃ. mili dasa pāomca rāma pahiṃ jāhīṃ..
prabhu ādarahiṃ prēmu pahicānī. pūomchahiṃ kusala khēma mṛdu bānī..
phirahiṃ bhavana priya āyasu pāī. karata parasapara rāma baḍaāī..
kō raghubīra sarisa saṃsārā. sīlu sanēha nibāhanihārā.
jēṃhi jēṃhi jōni karama basa bhramahīṃ. tahaom tahaom īsu dēu yaha hamahīṃ..
sēvaka hama svāmī siyanāhū. hōu nāta yaha ōra nibāhū..
asa abhilāṣu nagara saba kāhū. kaikayasutā hdayaom ati dāhū..
kō na kusaṃgati pāi nasāī. rahai na nīca matēṃ caturāī..
