चौपाई
जमुन तीर तेहि दिन करि बासू। भयउ समय सम सबहि सुपासू।।
रातहिं घाट घाट की तरनी। आईं अगनित जाहिं न बरनी।।
प्रात पार भए एकहि खेंवाँ। तोषे रामसखा की सेवाँ।।
चले नहाइ नदिहि सिर नाई। साथ निषादनाथ दोउ भाई।।
आगें मुनिबर बाहन आछें। राजसमाज जाइ सबु पाछें।।
तेहिं पाछें दोउ बंधु पयादें। भूषन बसन बेष सुठि सादें।।
सेवक सुह्रद सचिवसुत साथा। सुमिरत लखनु सीय रघुनाथा।।
जहँ जहँ राम बास बिश्रामा। तहँ तहँ करहिं सप्रेम प्रनामा।।
दोहा/सोरठा
मगबासी नर नारि सुनि धाम काम तजि धाइ।
देखि सरूप सनेह सब मुदित जनम फलु पाइ।।221।।
चौपाई
कहहिं सपेम एक एक पाहीं। रामु लखनु सखि होहिं कि नाहीं।।
बय बपु बरन रूप सोइ आली। सीलु सनेहु सरिस सम चाली।।
बेषु न सो सखि सीय न संगा। आगें अनी चली चतुरंगा।।
नहिं प्रसन्न मुख मानस खेदा। सखि संदेहु होइ एहिं भेदा।।
तासु तरक तियगन मन मानी। कहहिं सकल तेहि सम न सयानी।।
तेहि सराहि बानी फुरि पूजी। बोली मधुर बचन तिय दूजी।।
कहि सपेम सब कथाप्रसंगू। जेहि बिधि राम राज रस भंगू।।
भरतहि बहुरि सराहन लागी। सील सनेह सुभाय सुभागी।।
दोहा/सोरठा
चलत पयादें खात फल पिता दीन्ह तजि राजु।
जात मनावन रघुबरहि भरत सरिस को आजु।।222।।
चौपाई
jamuna tīra tēhi dina kari bāsū. bhayau samaya sama sabahi supāsū..
rātahiṃ ghāṭa ghāṭa kī taranī. āīṃ aganita jāhiṃ na baranī..
prāta pāra bhaē ēkahi khēṃvāom. tōṣē rāmasakhā kī sēvāom..
calē nahāi nadihi sira nāī. sātha niṣādanātha dōu bhāī..
āgēṃ munibara bāhana āchēṃ. rājasamāja jāi sabu pāchēṃ..
tēhiṃ pāchēṃ dōu baṃdhu payādēṃ. bhūṣana basana bēṣa suṭhi sādēṃ..
sēvaka suhrada sacivasuta sāthā. sumirata lakhanu sīya raghunāthā..
jahaom jahaom rāma bāsa biśrāmā. tahaom tahaom karahiṃ saprēma pranāmā..
चौपाई
kahahiṃ sapēma ēka ēka pāhīṃ. rāmu lakhanu sakhi hōhiṃ ki nāhīṃ..
baya bapu barana rūpa sōi ālī. sīlu sanēhu sarisa sama cālī..
bēṣu na sō sakhi sīya na saṃgā. āgēṃ anī calī caturaṃgā..
nahiṃ prasanna mukha mānasa khēdā. sakhi saṃdēhu hōi ēhiṃ bhēdā..
tāsu taraka tiyagana mana mānī. kahahiṃ sakala tēhi sama na sayānī..
tēhi sarāhi bānī phuri pūjī. bōlī madhura bacana tiya dūjī..
kahi sapēma saba kathāprasaṃgū. jēhi bidhi rāma rāja rasa bhaṃgū..
bharatahi bahuri sarāhana lāgī. sīla sanēha subhāya subhāgī..
