चौपाई
भायप भगति भरत आचरनू। कहत सुनत दुख दूषन हरनू।।
जो कछु कहब थोर सखि सोई। राम बंधु अस काहे न होई।।
हम सब सानुज भरतहि देखें। भइन्ह धन्य जुबती जन लेखें।।
सुनि गुन देखि दसा पछिताहीं। कैकइ जननि जोगु सुतु नाहीं।।
कोउ कह दूषनु रानिहि नाहिन। बिधि सबु कीन्ह हमहि जो दाहिन।।
कहँ हम लोक बेद बिधि हीनी। लघु तिय कुल करतूति मलीनी।।
बसहिं कुदेस कुगाँव कुबामा। कहँ यह दरसु पुन्य परिनामा।।
अस अनंदु अचिरिजु प्रति ग्रामा। जनु मरुभूमि कलपतरु जामा।।
दोहा/सोरठा
भरत दरसु देखत खुलेउ मग लोगन्ह कर भागु।
जनु सिंघलबासिन्ह भयउ बिधि बस सुलभ प्रयागु।।223।।
चौपाई
निज गुन सहित राम गुन गाथा। सुनत जाहिं सुमिरत रघुनाथा।।
तीरथ मुनि आश्रम सुरधामा। निरखि निमज्जहिं करहिं प्रनामा।।
मनहीं मन मागहिं बरु एहू। सीय राम पद पदुम सनेहू।।
मिलहिं किरात कोल बनबासी। बैखानस बटु जती उदासी।।
करि प्रनामु पूँछहिं जेहिं तेही। केहि बन लखनु रामु बैदेही।।
ते प्रभु समाचार सब कहहीं। भरतहि देखि जनम फलु लहहीं।।
जे जन कहहिं कुसल हम देखे। ते प्रिय राम लखन सम लेखे।।
एहि बिधि बूझत सबहि सुबानी। सुनत राम बनबास कहानी।।
दोहा/सोरठा
तेहि बासर बसि प्रातहीं चले सुमिरि रघुनाथ।
राम दरस की लालसा भरत सरिस सब साथ।।224।।
चौपाई
bhāyapa bhagati bharata ācaranū. kahata sunata dukha dūṣana haranū..
jō kachu kahaba thōra sakhi sōī. rāma baṃdhu asa kāhē na hōī..
hama saba sānuja bharatahi dēkhēṃ. bhainha dhanya jubatī jana lēkhēṃ..
suni guna dēkhi dasā pachitāhīṃ. kaikai janani jōgu sutu nāhīṃ..
kōu kaha dūṣanu rānihi nāhina. bidhi sabu kīnha hamahi jō dāhina..
kahaom hama lōka bēda bidhi hīnī. laghu tiya kula karatūti malīnī..
basahiṃ kudēsa kugāomva kubāmā. kahaom yaha darasu punya parināmā..
asa anaṃdu aciriju prati grāmā. janu marubhūmi kalapataru jāmā..
चौपाई
nija guna sahita rāma guna gāthā. sunata jāhiṃ sumirata raghunāthā..
tīratha muni āśrama suradhāmā. nirakhi nimajjahiṃ karahiṃ pranāmā..
manahīṃ mana māgahiṃ baru ēhū. sīya rāma pada paduma sanēhū..
milahiṃ kirāta kōla banabāsī. baikhānasa baṭu jatī udāsī..
kari pranāmu pūomchahiṃ jēhiṃ tēhī. kēhi bana lakhanu rāmu baidēhī..
tē prabhu samācāra saba kahahīṃ. bharatahi dēkhi janama phalu lahahīṃ..
jē jana kahahiṃ kusala hama dēkhē. tē priya rāma lakhana sama lēkhē..
ēhi bidhi būjhata sabahi subānī. sunata rāma banabāsa kahānī..
