चौपाई
मंगल सगुन होहिं सब काहू। फरकहिं सुखद बिलोचन बाहू।।
भरतहि सहित समाज उछाहू। मिलिहहिं रामु मिटहि दुख दाहू।।
करत मनोरथ जस जियँ जाके। जाहिं सनेह सुराँ सब छाके।।
सिथिल अंग पग मग डगि डोलहिं। बिहबल बचन पेम बस बोलहिं।।
रामसखाँ तेहि समय देखावा। सैल सिरोमनि सहज सुहावा।।
जासु समीप सरित पय तीरा। सीय समेत बसहिं दोउ बीरा।।
देखि करहिं सब दंड प्रनामा। कहि जय जानकि जीवन रामा।।
प्रेम मगन अस राज समाजू। जनु फिरि अवध चले रघुराजू।।
दोहा/सोरठा
भरत प्रेमु तेहि समय जस तस कहि सकइ न सेषु।
कबिहिं अगम जिमि ब्रह्मसुखु अह मम मलिन जनेषु।।225।
चौपाई
सकल सनेह सिथिल रघुबर कें। गए कोस दुइ दिनकर ढरकें।।
जलु थलु देखि बसे निसि बीतें। कीन्ह गवन रघुनाथ पिरीतें।।
उहाँ रामु रजनी अवसेषा। जागे सीयँ सपन अस देखा।।
सहित समाज भरत जनु आए। नाथ बियोग ताप तन ताए।।
सकल मलिन मन दीन दुखारी। देखीं सासु आन अनुहारी।।
सुनि सिय सपन भरे जल लोचन। भए सोचबस सोच बिमोचन।।
लखन सपन यह नीक न होई। कठिन कुचाह सुनाइहि कोई।।
अस कहि बंधु समेत नहाने। पूजि पुरारि साधु सनमाने।।
चौपाई
maṃgala saguna hōhiṃ saba kāhū. pharakahiṃ sukhada bilōcana bāhū..
bharatahi sahita samāja uchāhū. milihahiṃ rāmu miṭahi dukha dāhū..
karata manōratha jasa jiyaom jākē. jāhiṃ sanēha surāom saba chākē..
sithila aṃga paga maga ḍagi ḍōlahiṃ. bihabala bacana pēma basa bōlahiṃ..
rāmasakhāom tēhi samaya dēkhāvā. saila sirōmani sahaja suhāvā..
jāsu samīpa sarita paya tīrā. sīya samēta basahiṃ dōu bīrā..
dēkhi karahiṃ saba daṃḍa pranāmā. kahi jaya jānaki jīvana rāmā..
prēma magana asa rāja samājū. janu phiri avadha calē raghurājū..
चौपाई
sakala sanēha sithila raghubara kēṃ. gaē kōsa dui dinakara ḍharakēṃ..
jalu thalu dēkhi basē nisi bītēṃ. kīnha gavana raghunātha pirītēṃ..
uhāom rāmu rajanī avasēṣā. jāgē sīyaom sapana asa dēkhā..
sahita samāja bharata janu āē. nātha biyōga tāpa tana tāē..
sakala malina mana dīna dukhārī. dēkhīṃ sāsu āna anuhārī..
suni siya sapana bharē jala lōcana. bhaē sōcabasa sōca bimōcana..
lakhana sapana yaha nīka na hōī. kaṭhina kucāha sunāihi kōī..
asa kahi baṃdhu samēta nahānē. pūji purāri sādhu sanamānē..
