चौपाई
जौं न होत जग जनम भरत को। सकल धरम धुर धरनि धरत को।।
कबि कुल अगम भरत गुन गाथा। को जानइ तुम्ह बिनु रघुनाथा।।
लखन राम सियँ सुनि सुर बानी। अति सुखु लहेउ न जाइ बखानी।।
इहाँ भरतु सब सहित सहाए। मंदाकिनीं पुनीत नहाए।।
सरित समीप राखि सब लोगा। मागि मातु गुर सचिव नियोगा।।
चले भरतु जहँ सिय रघुराई। साथ निषादनाथु लघु भाई।।
समुझि मातु करतब सकुचाहीं। करत कुतरक कोटि मन माहीं।।
रामु लखनु सिय सुनि मम नाऊँ। उठि जनि अनत जाहिं तजि ठाऊँ।।
दोहा/सोरठा
मातु मते महुँ मानि मोहि जो कछु करहिं सो थोर।
अघ अवगुन छमि आदरहिं समुझि आपनी ओर।।233।।
चौपाई
जौं परिहरहिं मलिन मनु जानी। जौ सनमानहिं सेवकु मानी।।
मोरें सरन रामहि की पनही। राम सुस्वामि दोसु सब जनही।।
जग जस भाजन चातक मीना। नेम पेम निज निपुन नबीना।।
अस मन गुनत चले मग जाता। सकुच सनेहँ सिथिल सब गाता।।
फेरत मनहुँ मातु कृत खोरी। चलत भगति बल धीरज धोरी।।
जब समुझत रघुनाथ सुभाऊ। तब पथ परत उताइल पाऊ।।
भरत दसा तेहि अवसर कैसी। जल प्रबाहँ जल अलि गति जैसी।।
देखि भरत कर सोचु सनेहू। भा निषाद तेहि समयँ बिदेहू।।
दोहा/सोरठा
लगे होन मंगल सगुन सुनि गुनि कहत निषादु।
मिटिहि सोचु होइहि हरषु पुनि परिनाम बिषादु।।234।।
चौपाई
jauṃ na hōta jaga janama bharata kō. sakala dharama dhura dharani dharata kō..
kabi kula agama bharata guna gāthā. kō jānai tumha binu raghunāthā..
lakhana rāma siyaom suni sura bānī. ati sukhu lahēu na jāi bakhānī..
ihāom bharatu saba sahita sahāē. maṃdākinīṃ punīta nahāē..
sarita samīpa rākhi saba lōgā. māgi mātu gura saciva niyōgā..
calē bharatu jahaom siya raghurāī. sātha niṣādanāthu laghu bhāī..
samujhi mātu karataba sakucāhīṃ. karata kutaraka kōṭi mana māhīṃ..
rāmu lakhanu siya suni mama nāūom. uṭhi jani anata jāhiṃ taji ṭhāūom..
चौपाई
jauṃ pariharahiṃ malina manu jānī. jau sanamānahiṃ sēvaku mānī..
mōrēṃ sarana rāmahi kī panahī. rāma susvāmi dōsu saba janahī..
jaga jasa bhājana cātaka mīnā. nēma pēma nija nipuna nabīnā..
asa mana gunata calē maga jātā. sakuca sanēhaom sithila saba gātā..
phērata manahuom mātu kṛta khōrī. calata bhagati bala dhīraja dhōrī..
jaba samujhata raghunātha subhāū. taba patha parata utāila pāū..
bharata dasā tēhi avasara kaisī. jala prabāhaom jala ali gati jaisī..
dēkhi bharata kara sōcu sanēhū. bhā niṣāda tēhi samayaom bidēhū..
