चौपाई
सेवक बचन सत्य सब जाने। आश्रम निकट जाइ निअराने।।
भरत दीख बन सैल समाजू। मुदित छुधित जनु पाइ सुनाजू।।
ईति भीति जनु प्रजा दुखारी। त्रिबिध ताप पीड़ित ग्रह मारी।।
जाइ सुराज सुदेस सुखारी। होहिं भरत गति तेहि अनुहारी।।
राम बास बन संपति भ्राजा। सुखी प्रजा जनु पाइ सुराजा।।
सचिव बिरागु बिबेकु नरेसू। बिपिन सुहावन पावन देसू।।
भट जम नियम सैल रजधानी। सांति सुमति सुचि सुंदर रानी।।
सकल अंग संपन्न सुराऊ। राम चरन आश्रित चित चाऊ।।
दोहा/सोरठा
जीति मोह महिपालु दल सहित बिबेक भुआलु।
करत अकंटक राजु पुरँ सुख संपदा सुकालु।।235।।
चौपाई
बन प्रदेस मुनि बास घनेरे। जनु पुर नगर गाउँ गन खेरे।।
बिपुल बिचित्र बिहग मृग नाना। प्रजा समाजु न जाइ बखाना।।
खगहा करि हरि बाघ बराहा। देखि महिष बृष साजु सराहा।।
बयरु बिहाइ चरहिं एक संगा। जहँ तहँ मनहुँ सेन चतुरंगा।।
झरना झरहिं मत्त गज गाजहिं। मनहुँ निसान बिबिधि बिधि बाजहिं।।
चक चकोर चातक सुक पिक गन। कूजत मंजु मराल मुदित मन।।
अलिगन गावत नाचत मोरा। जनु सुराज मंगल चहु ओरा।।
बेलि बिटप तृन सफल सफूला। सब समाजु मुद मंगल मूला।।
दोहा/सोरठा
राम सैल सोभा निरखि भरत हृदयँ अति पेमु।
तापस तप फलु पाइ जिमि सुखी सिरानें नेमु।।236।।
चौपाई
sēvaka bacana satya saba jānē. āśrama nikaṭa jāi niarānē..
bharata dīkha bana saila samājū. mudita chudhita janu pāi sunājū..
īti bhīti janu prajā dukhārī. tribidha tāpa pīḍaita graha mārī..
jāi surāja sudēsa sukhārī. hōhiṃ bharata gati tēhi anuhārī..
rāma bāsa bana saṃpati bhrājā. sukhī prajā janu pāi surājā..
saciva birāgu bibēku narēsū. bipina suhāvana pāvana dēsū..
bhaṭa jama niyama saila rajadhānī. sāṃti sumati suci suṃdara rānī..
sakala aṃga saṃpanna surāū. rāma carana āśrita cita cāū..
चौपाई
bana pradēsa muni bāsa ghanērē. janu pura nagara gāuom gana khērē..
bipula bicitra bihaga mṛga nānā. prajā samāju na jāi bakhānā..
khagahā kari hari bāgha barāhā. dēkhi mahiṣa bṛṣa sāju sarāhā..
bayaru bihāi carahiṃ ēka saṃgā. jahaom tahaom manahuom sēna caturaṃgā..
jharanā jharahiṃ matta gaja gājahiṃ. manahuom nisāna bibidhi bidhi bājahiṃ..
caka cakōra cātaka suka pika gana. kūjata maṃju marāla mudita mana..
aligana gāvata nācata mōrā. janu surāja maṃgala cahu ōrā..
bēli biṭapa tṛna saphala saphūlā. saba samāju muda maṃgala mūlā..
