चौपाई
सब कहुँ सुखद राम अभिषेकू। मंगल मोद मूल मग एकू।।
केहि बिधि अवध चलहिं रघुराऊ। कहहु समुझि सोइ करिअ उपाऊ।।
सब सादर सुनि मुनिबर बानी। नय परमारथ स्वारथ सानी।।
उतरु न आव लोग भए भोरे। तब सिरु नाइ भरत कर जोरे।।
भानुबंस भए भूप घनेरे। अधिक एक तें एक बड़ेरे।।
जनमु हेतु सब कहँ पितु माता। करम सुभासुभ देइ बिधाता।।
दलि दुख सजइ सकल कल्याना। अस असीस राउरि जगु जाना।।
सो गोसाइँ बिधि गति जेहिं छेंकी। सकइ को टारि टेक जो टेकी।।
दोहा/सोरठा
बूझिअ मोहि उपाउ अब सो सब मोर अभागु।
सुनि सनेहमय बचन गुर उर उमगा अनुरागु।।255।।
चौपाई
तात बात फुरि राम कृपाहीं। राम बिमुख सिधि सपनेहुँ नाहीं।।
सकुचउँ तात कहत एक बाता। अरध तजहिं बुध सरबस जाता।।
तुम्ह कानन गवनहु दोउ भाई। फेरिअहिं लखन सीय रघुराई।।
सुनि सुबचन हरषे दोउ भ्राता। भे प्रमोद परिपूरन गाता।।
मन प्रसन्न तन तेजु बिराजा। जनु जिय राउ रामु भए राजा।।
बहुत लाभ लोगन्ह लघु हानी। सम दुख सुख सब रोवहिं रानी।।
कहहिं भरतु मुनि कहा सो कीन्हे। फलु जग जीवन्ह अभिमत दीन्हे।।
कानन करउँ जनम भरि बासू। एहिं तें अधिक न मोर सुपासू।।
दोहा/सोरठा
अँतरजामी रामु सिय तुम्ह सरबग्य सुजान।
जो फुर कहहु त नाथ निज कीजिअ बचनु प्रवान।।256।।
चौपाई
saba kahuom sukhada rāma abhiṣēkū. maṃgala mōda mūla maga ēkū..
kēhi bidhi avadha calahiṃ raghurāū. kahahu samujhi sōi karia upāū..
saba sādara suni munibara bānī. naya paramāratha svāratha sānī..
utaru na āva lōga bhaē bhōrē. taba siru nāi bharata kara jōrē..
bhānubaṃsa bhaē bhūpa ghanērē. adhika ēka tēṃ ēka baḍaērē..
janamu hētu saba kahaom pitu mātā. karama subhāsubha dēi bidhātā..
dali dukha sajai sakala kalyānā. asa asīsa rāuri jagu jānā..
sō gōsāiom bidhi gati jēhiṃ chēṃkī. sakai kō ṭāri ṭēka jō ṭēkī..
चौपाई
tāta bāta phuri rāma kṛpāhīṃ. rāma bimukha sidhi sapanēhuom nāhīṃ..
sakucauom tāta kahata ēka bātā. aradha tajahiṃ budha sarabasa jātā..
tumha kānana gavanahu dōu bhāī. phēriahiṃ lakhana sīya raghurāī..
suni subacana haraṣē dōu bhrātā. bhē pramōda paripūrana gātā..
mana prasanna tana tēju birājā. janu jiya rāu rāmu bhaē rājā..
bahuta lābha lōganha laghu hānī. sama dukha sukha saba rōvahiṃ rānī..
kahahiṃ bharatu muni kahā sō kīnhē. phalu jaga jīvanha abhimata dīnhē..
kānana karauom janama bhari bāsū. ēhiṃ tēṃ adhika na mōra supāsū..
