चौपाई
कीन्ही मातु मिस काल कुचाली। ईति भीति जस पाकत साली।।
केहि बिधि होइ राम अभिषेकू। मोहि अवकलत उपाउ न एकू।।
अवसि फिरहिं गुर आयसु मानी। मुनि पुनि कहब राम रुचि जानी।।
मातु कहेहुँ बहुरहिं रघुराऊ। राम जननि हठ करबि कि काऊ।।
मोहि अनुचर कर केतिक बाता। तेहि महँ कुसमउ बाम बिधाता।।
जौं हठ करउँ त निपट कुकरमू। हरगिरि तें गुरु सेवक धरमू।।
एकउ जुगुति न मन ठहरानी। सोचत भरतहि रैनि बिहानी।।
प्रात नहाइ प्रभुहि सिर नाई। बैठत पठए रिषयँ बोलाई।।
दोहा/सोरठा
गुर पद कमल प्रनामु करि बैठे आयसु पाइ।
बिप्र महाजन सचिव सब जुरे सभासद आइ।।253।।
चौपाई
बोले मुनिबरु समय समाना। सुनहु सभासद भरत सुजाना।।
धरम धुरीन भानुकुल भानू। राजा रामु स्वबस भगवानू।।
सत्यसंध पालक श्रुति सेतू। राम जनमु जग मंगल हेतू।।
गुर पितु मातु बचन अनुसारी। खल दलु दलन देव हितकारी।।
नीति प्रीति परमारथ स्वारथु। कोउ न राम सम जान जथारथु।।
बिधि हरि हरु ससि रबि दिसिपाला। माया जीव करम कुलि काला।।
अहिप महिप जहँ लगि प्रभुताई। जोग सिद्धि निगमागम गाई।।
करि बिचार जिंयँ देखहु नीकें। राम रजाइ सीस सबही कें।।
दोहा/सोरठा
राखें राम रजाइ रुख हम सब कर हित होइ।
समुझि सयाने करहु अब सब मिलि संमत सोइ।।254।।
चौपाई
kīnhī mātu misa kāla kucālī. īti bhīti jasa pākata sālī..
kēhi bidhi hōi rāma abhiṣēkū. mōhi avakalata upāu na ēkū..
avasi phirahiṃ gura āyasu mānī. muni puni kahaba rāma ruci jānī..
mātu kahēhuom bahurahiṃ raghurāū. rāma janani haṭha karabi ki kāū..
mōhi anucara kara kētika bātā. tēhi mahaom kusamau bāma bidhātā..
jauṃ haṭha karauom ta nipaṭa kukaramū. haragiri tēṃ guru sēvaka dharamū..
ēkau juguti na mana ṭhaharānī. sōcata bharatahi raini bihānī..
prāta nahāi prabhuhi sira nāī. baiṭhata paṭhaē riṣayaom bōlāī..
चौपाई
bōlē munibaru samaya samānā. sunahu sabhāsada bharata sujānā..
dharama dhurīna bhānukula bhānū. rājā rāmu svabasa bhagavānū..
satyasaṃdha pālaka śruti sētū. rāma janamu jaga maṃgala hētū..
gura pitu mātu bacana anusārī. khala dalu dalana dēva hitakārī..
nīti prīti paramāratha svārathu. kōu na rāma sama jāna jathārathu..
bidhi hari haru sasi rabi disipālā. māyā jīva karama kuli kālā..
ahipa mahipa jahaom lagi prabhutāī. jōga siddhi nigamāgama gāī..
kari bicāra jiṃyaom dēkhahu nīkēṃ. rāma rajāi sīsa sabahī kēṃ..
