चौपाई
बिधि न सकेउ सहि मोर दुलारा। नीच बीचु जननी मिस पारा।
यहउ कहत मोहि आजु न सोभा। अपनीं समुझि साधु सुचि को भा।।
मातु मंदि मैं साधु सुचाली। उर अस आनत कोटि कुचाली।।
फरइ कि कोदव बालि सुसाली। मुकुता प्रसव कि संबुक काली।।
सपनेहुँ दोसक लेसु न काहू। मोर अभाग उदधि अवगाहू।।
बिनु समुझें निज अघ परिपाकू। जारिउँ जायँ जननि कहि काकू।।
हृदयँ हेरि हारेउँ सब ओरा। एकहि भाँति भलेहिं भल मोरा।।
गुर गोसाइँ साहिब सिय रामू। लागत मोहि नीक परिनामू।।
दोहा/सोरठा
साधु सभा गुर प्रभु निकट कहउँ सुथल सति भाउ।
प्रेम प्रपंचु कि झूठ फुर जानहिं मुनि रघुराउ।।261।।
चौपाई
भूपति मरन पेम पनु राखी। जननी कुमति जगतु सबु साखी।।
देखि न जाहि बिकल महतारी। जरहिं दुसह जर पुर नर नारी।।
महीं सकल अनरथ कर मूला। सो सुनि समुझि सहिउँ सब सूला।।
सुनि बन गवनु कीन्ह रघुनाथा। करि मुनि बेष लखन सिय साथा।।
बिनु पानहिन्ह पयादेहि पाएँ। संकरु साखि रहेउँ एहि घाएँ।।
बहुरि निहार निषाद सनेहू। कुलिस कठिन उर भयउ न बेहू।।
अब सबु आँखिन्ह देखेउँ आई। जिअत जीव जड़ सबइ सहाई।।
जिन्हहि निरखि मग साँपिनि बीछी। तजहिं बिषम बिषु तामस तीछी।।
दोहा/सोरठा
तेइ रघुनंदनु लखनु सिय अनहित लागे जाहि।
तासु तनय तजि दुसह दुख दैउ सहावइ काहि।।262।।
चौपाई
bidhi na sakēu sahi mōra dulārā. nīca bīcu jananī misa pārā.
yahau kahata mōhi āju na sōbhā. apanīṃ samujhi sādhu suci kō bhā..
mātu maṃdi maiṃ sādhu sucālī. ura asa ānata kōṭi kucālī..
pharai ki kōdava bāli susālī. mukutā prasava ki saṃbuka kālī..
sapanēhuom dōsaka lēsu na kāhū. mōra abhāga udadhi avagāhū..
binu samujhēṃ nija agha paripākū. jāriuom jāyaom janani kahi kākū..
hṛdayaom hēri hārēuom saba ōrā. ēkahi bhāomti bhalēhiṃ bhala mōrā..
gura gōsāiom sāhiba siya rāmū. lāgata mōhi nīka parināmū..
चौपाई
bhūpati marana pēma panu rākhī. jananī kumati jagatu sabu sākhī..
dēkhi na jāhi bikala mahatārī. jarahiṃ dusaha jara pura nara nārī..
mahīṃ sakala anaratha kara mūlā. sō suni samujhi sahiuom saba sūlā..
suni bana gavanu kīnha raghunāthā. kari muni bēṣa lakhana siya sāthā..
binu pānahinha payādēhi pāēom. saṃkaru sākhi rahēuom ēhi ghāēom..
bahuri nihāra niṣāda sanēhū. kulisa kaṭhina ura bhayau na bēhū..
aba sabu āomkhinha dēkhēuom āī. jiata jīva jaḍa sabai sahāī..
jinhahi nirakhi maga sāompini bīchī. tajahiṃ biṣama biṣu tāmasa tīchī..
