चौपाई
नतरु जाहिं बन तीनिउ भाई। बहुरिअ सीय सहित रघुराई।।
जेहि बिधि प्रभु प्रसन्न मन होई। करुना सागर कीजिअ सोई।।
देवँ दीन्ह सबु मोहि अभारु। मोरें नीति न धरम बिचारु।।
कहउँ बचन सब स्वारथ हेतू। रहत न आरत कें चित चेतू।।
उतरु देइ सुनि स्वामि रजाई। सो सेवकु लखि लाज लजाई।।
अस मैं अवगुन उदधि अगाधू। स्वामि सनेहँ सराहत साधू।।
अब कृपाल मोहि सो मत भावा। सकुच स्वामि मन जाइँ न पावा।।
प्रभु पद सपथ कहउँ सति भाऊ। जग मंगल हित एक उपाऊ।।
दोहा/सोरठा
प्रभु प्रसन्न मन सकुच तजि जो जेहि आयसु देब।
सो सिर धरि धरि करिहि सबु मिटिहि अनट अवरेब।।269।।
चौपाई
भरत बचन सुचि सुनि सुर हरषे। साधु सराहि सुमन सुर बरषे।।
असमंजस बस अवध नेवासी। प्रमुदित मन तापस बनबासी।।
चुपहिं रहे रघुनाथ सँकोची। प्रभु गति देखि सभा सब सोची।।
जनक दूत तेहि अवसर आए। मुनि बसिष्ठँ सुनि बेगि बोलाए।।
करि प्रनाम तिन्ह रामु निहारे। बेषु देखि भए निपट दुखारे।।
दूतन्ह मुनिबर बूझी बाता। कहहु बिदेह भूप कुसलाता।।
सुनि सकुचाइ नाइ महि माथा। बोले चर बर जोरें हाथा।।
बूझब राउर सादर साईं। कुसल हेतु सो भयउ गोसाईं।।
दोहा/सोरठा
नाहि त कोसल नाथ कें साथ कुसल गइ नाथ।
मिथिला अवध बिसेष तें जगु सब भयउ अनाथ।।270।।
चौपाई
nataru jāhiṃ bana tīniu bhāī. bahuria sīya sahita raghurāī..
jēhi bidhi prabhu prasanna mana hōī. karunā sāgara kījia sōī..
dēvaom dīnha sabu mōhi abhāru. mōrēṃ nīti na dharama bicāru..
kahauom bacana saba svāratha hētū. rahata na ārata kēṃ cita cētū..
utaru dēi suni svāmi rajāī. sō sēvaku lakhi lāja lajāī..
asa maiṃ avaguna udadhi agādhū. svāmi sanēhaom sarāhata sādhū..
aba kṛpāla mōhi sō mata bhāvā. sakuca svāmi mana jāiom na pāvā..
prabhu pada sapatha kahauom sati bhāū. jaga maṃgala hita ēka upāū..
चौपाई
bharata bacana suci suni sura haraṣē. sādhu sarāhi sumana sura baraṣē..
asamaṃjasa basa avadha nēvāsī. pramudita mana tāpasa banabāsī..
cupahiṃ rahē raghunātha saomkōcī. prabhu gati dēkhi sabhā saba sōcī..
janaka dūta tēhi avasara āē. muni basiṣṭhaom suni bēgi bōlāē..
kari pranāma tinha rāmu nihārē. bēṣu dēkhi bhaē nipaṭa dukhārē..
dūtanha munibara būjhī bātā. kahahu bidēha bhūpa kusalātā..
suni sakucāi nāi mahi māthā. bōlē cara bara jōrēṃ hāthā..
būjhaba rāura sādara sāīṃ. kusala hētu sō bhayau gōsāīṃ..
