चौपाई
जासु ग्यानु रबि भव निसि नासा। बचन किरन मुनि कमल बिकासा।।
तेहि कि मोह ममता निअराई। यह सिय राम सनेह बड़ाई।।
बिषई साधक सिद्ध सयाने। त्रिबिध जीव जग बेद बखाने।।
राम सनेह सरस मन जासू। साधु सभाँ बड़ आदर तासू।।
सोह न राम पेम बिनु ग्यानू। करनधार बिनु जिमि जलजानू।।
मुनि बहुबिधि बिदेहु समुझाए। रामघाट सब लोग नहाए।।
सकल सोक संकुल नर नारी। सो बासरु बीतेउ बिनु बारी।।
पसु खग मृगन्ह न कीन्ह अहारू। प्रिय परिजन कर कौन बिचारू।।
दोहा/सोरठा
दोउ समाज निमिराजु रघुराजु नहाने प्रात।
बैठे सब बट बिटप तर मन मलीन कृस गात।।277।।
चौपाई
जे महिसुर दसरथ पुर बासी। जे मिथिलापति नगर निवासी।।
हंस बंस गुर जनक पुरोधा। जिन्ह जग मगु परमारथु सोधा।।
लगे कहन उपदेस अनेका। सहित धरम नय बिरति बिबेका।।
कौसिक कहि कहि कथा पुरानीं। समुझाई सब सभा सुबानीं।।
तब रघुनाथ कोसिकहि कहेऊ। नाथ कालि जल बिनु सबु रहेऊ।।
मुनि कह उचित कहत रघुराई। गयउ बीति दिन पहर अढ़ाई।।
रिषि रुख लखि कह तेरहुतिराजू। इहाँ उचित नहिं असन अनाजू।।
कहा भूप भल सबहि सोहाना। पाइ रजायसु चले नहाना।।
दोहा/सोरठा
तेहि अवसर फल फूल दल मूल अनेक प्रकार।
लइ आए बनचर बिपुल भरि भरि काँवरि भार।।278।।
चौपाई
jāsu gyānu rabi bhava nisi nāsā. bacana kirana muni kamala bikāsā..
tēhi ki mōha mamatā niarāī. yaha siya rāma sanēha baḍaāī..
biṣaī sādhaka siddha sayānē. tribidha jīva jaga bēda bakhānē..
rāma sanēha sarasa mana jāsū. sādhu sabhāom baḍa ādara tāsū..
sōha na rāma pēma binu gyānū. karanadhāra binu jimi jalajānū..
muni bahubidhi bidēhu samujhāē. rāmaghāṭa saba lōga nahāē..
sakala sōka saṃkula nara nārī. sō bāsaru bītēu binu bārī..
pasu khaga mṛganha na kīnha ahārū. priya parijana kara kauna bicārū..
चौपाई
jē mahisura dasaratha pura bāsī. jē mithilāpati nagara nivāsī..
haṃsa baṃsa gura janaka purōdhā. jinha jaga magu paramārathu sōdhā..
lagē kahana upadēsa anēkā. sahita dharama naya birati bibēkā..
kausika kahi kahi kathā purānīṃ. samujhāī saba sabhā subānīṃ..
taba raghunātha kōsikahi kahēū. nātha kāli jala binu sabu rahēū..
muni kaha ucita kahata raghurāī. gayau bīti dina pahara aḍhaāī..
riṣi rukha lakhi kaha tērahutirājū. ihāom ucita nahiṃ asana anājū..
kahā bhūpa bhala sabahi sōhānā. pāi rajāyasu calē nahānā..
