चौपाई
पुनि कह राउ सुह्रद जियँ जानी। प्रेम पुलकि मृदु मंजुल बानी।।
भामिनि भयउ तोर मनभावा। घर घर नगर अनंद बधावा।।
रामहि देउँ कालि जुबराजू। सजहि सुलोचनि मंगल साजू।।
दलकि उठेउ सुनि ह्रदउ कठोरू। जनु छुइ गयउ पाक बरतोरू।।
ऐसिउ पीर बिहसि तेहि गोई। चोर नारि जिमि प्रगटि न रोई।।
लखहिं न भूप कपट चतुराई। कोटि कुटिल मनि गुरू पढ़ाई।।
जद्यपि नीति निपुन नरनाहू। नारिचरित जलनिधि अवगाहू।।
कपट सनेहु बढ़ाइ बहोरी। बोली बिहसि नयन मुहु मोरी।।
दोहा/सोरठा
मागु मागु पै कहहु पिय कबहुँ न देहु न लेहु।
देन कहेहु बरदान दुइ तेउ पावत संदेहु।।27।।
चौपाई
जानेउँ मरमु राउ हँसि कहई। तुम्हहि कोहाब परम प्रिय अहई।।
थाति राखि न मागिहु काऊ। बिसरि गयउ मोहि भोर सुभाऊ।।
झूठेहुँ हमहि दोषु जनि देहू। दुइ कै चारि मागि मकु लेहू।।
रघुकुल रीति सदा चलि आई। प्रान जाहुँ बरु बचनु न जाई।।
नहिं असत्य सम पातक पुंजा। गिरि सम होहिं कि कोटिक गुंजा।।
सत्यमूल सब सुकृत सुहाए। बेद पुरान बिदित मनु गाए।।
तेहि पर राम सपथ करि आई। सुकृत सनेह अवधि रघुराई।।
बात दृढ़ाइ कुमति हँसि बोली। कुमत कुबिहग कुलह जनु खोली।।
दोहा/सोरठा
भूप मनोरथ सुभग बनु सुख सुबिहंग समाजु।
भिल्लनि जिमि छाड़न चहति बचनु भयंकरु बाजु।।28।।
चौपाई
puni kaha rāu suhrada jiyaom jānī. prēma pulaki mṛdu maṃjula bānī..
bhāmini bhayau tōra manabhāvā. ghara ghara nagara anaṃda badhāvā..
rāmahi dēuom kāli jubarājū. sajahi sulōcani maṃgala sājū..
dalaki uṭhēu suni hradau kaṭhōrū. janu chui gayau pāka baratōrū..
aisiu pīra bihasi tēhi gōī. cōra nāri jimi pragaṭi na rōī..
lakhahiṃ na bhūpa kapaṭa caturāī. kōṭi kuṭila mani gurū paḍhaāī..
jadyapi nīti nipuna naranāhū. nāricarita jalanidhi avagāhū..
kapaṭa sanēhu baḍhaāi bahōrī. bōlī bihasi nayana muhu mōrī..
चौपाई
jānēuom maramu rāu haomsi kahaī. tumhahi kōhāba parama priya ahaī..
thāti rākhi na māgihu kāū. bisari gayau mōhi bhōra subhāū..
jhūṭhēhuom hamahi dōṣu jani dēhū. dui kai cāri māgi maku lēhū..
raghukula rīti sadā cali āī. prāna jāhuom baru bacanu na jāī..
nahiṃ asatya sama pātaka puṃjā. giri sama hōhiṃ ki kōṭika guṃjā..
satyamūla saba sukṛta suhāē. bēda purāna bidita manu gāē..
tēhi para rāma sapatha kari āī. sukṛta sanēha avadhi raghurāī..
bāta dṛḍhaāi kumati haomsi bōlī. kumata kubihaga kulaha janu khōlī..
