चौपाई
सुनहु प्रानप्रिय भावत जी का। देहु एक बर भरतहि टीका।।
मागउँ दूसर बर कर जोरी। पुरवहु नाथ मनोरथ मोरी।।
तापस बेष बिसेषि उदासी। चौदह बरिस रामु बनबासी।।
सुनि मृदु बचन भूप हियँ सोकू। ससि कर छुअत बिकल जिमि कोकू।।
गयउ सहमि नहिं कछु कहि आवा। जनु सचान बन झपटेउ लावा।।
बिबरन भयउ निपट नरपालू। दामिनि हनेउ मनहुँ तरु तालू।।
माथे हाथ मूदि दोउ लोचन। तनु धरि सोचु लाग जनु सोचन।।
मोर मनोरथु सुरतरु फूला। फरत करिनि जिमि हतेउ समूला।।
अवध उजारि कीन्हि कैकेईं। दीन्हसि अचल बिपति कै नेईं।।
दोहा/सोरठा
कवनें अवसर का भयउ गयउँ नारि बिस्वास।
जोग सिद्धि फल समय जिमि जतिहि अबिद्या नास।।29।।
चौपाई
एहि बिधि राउ मनहिं मन झाँखा। देखि कुभाँति कुमति मन माखा।।
भरतु कि राउर पूत न होहीं। आनेहु मोल बेसाहि कि मोही।।
जो सुनि सरु अस लाग तुम्हारें। काहे न बोलहु बचनु सँभारे।।
देहु उतरु अनु करहु कि नाहीं। सत्यसंध तुम्ह रघुकुल माहीं।।
देन कहेहु अब जनि बरु देहू। तजहुँ सत्य जग अपजसु लेहू।।
सत्य सराहि कहेहु बरु देना। जानेहु लेइहि मागि चबेना।।
सिबि दधीचि बलि जो कछु भाषा। तनु धनु तजेउ बचन पनु राखा।।
अति कटु बचन कहति कैकेई। मानहुँ लोन जरे पर देई।।
दोहा/सोरठा
धरम धुरंधर धीर धरि नयन उघारे रायँ।
सिरु धुनि लीन्हि उसास असि मारेसि मोहि कुठायँ।।30।।
चौपाई
sunahu prānapriya bhāvata jī kā. dēhu ēka bara bharatahi ṭīkā..
māgauom dūsara bara kara jōrī. puravahu nātha manōratha mōrī..
tāpasa bēṣa bisēṣi udāsī. caudaha barisa rāmu banabāsī..
suni mṛdu bacana bhūpa hiyaom sōkū. sasi kara chuata bikala jimi kōkū..
gayau sahami nahiṃ kachu kahi āvā. janu sacāna bana jhapaṭēu lāvā..
bibarana bhayau nipaṭa narapālū. dāmini hanēu manahuom taru tālū..
māthē hātha mūdi dōu lōcana. tanu dhari sōcu lāga janu sōcana..
mōra manōrathu surataru phūlā. pharata karini jimi hatēu samūlā..
avadha ujāri kīnhi kaikēīṃ. dīnhasi acala bipati kai nēīṃ..
चौपाई
ēhi bidhi rāu manahiṃ mana jhāomkhā. dēkhi kubhāomti kumati mana mākhā..
bharatu ki rāura pūta na hōhīṃ. ānēhu mōla bēsāhi ki mōhī..
jō suni saru asa lāga tumhārēṃ. kāhē na bōlahu bacanu saombhārē..
dēhu utaru anu karahu ki nāhīṃ. satyasaṃdha tumha raghukula māhīṃ..
dēna kahēhu aba jani baru dēhū. tajahuom satya jaga apajasu lēhū..
satya sarāhi kahēhu baru dēnā. jānēhu lēihi māgi cabēnā..
sibi dadhīci bali jō kachu bhāṣā. tanu dhanu tajēu bacana panu rākhā..
ati kaṭu bacana kahati kaikēī. mānahuom lōna jarē para dēī..
