चौपाई
एहि बिधि सकल मनोरथ करहीं। बचन सप्रेम सुनत मन हरहीं।।
सीय मातु तेहि समय पठाईं। दासीं देखि सुअवसरु आईं।।
सावकास सुनि सब सिय सासू। आयउ जनकराज रनिवासू।।
कौसल्याँ सादर सनमानी। आसन दिए समय सम आनी।।
सीलु सनेह सकल दुहु ओरा। द्रवहिं देखि सुनि कुलिस कठोरा।।
पुलक सिथिल तन बारि बिलोचन। महि नख लिखन लगीं सब सोचन।।
सब सिय राम प्रीति कि सि मूरती। जनु करुना बहु बेष बिसूरति।।
सीय मातु कह बिधि बुधि बाँकी। जो पय फेनु फोर पबि टाँकी।।
दोहा/सोरठा
सुनिअ सुधा देखिअहिं गरल सब करतूति कराल।
जहँ तहँ काक उलूक बक मानस सकृत मराल।।281।।
चौपाई
सुनि ससोच कह देबि सुमित्रा। बिधि गति बड़ि बिपरीत बिचित्रा।।
जो सृजि पालइ हरइ बहोरी। बाल केलि सम बिधि मति भोरी।।
कौसल्या कह दोसु न काहू। करम बिबस दुख सुख छति लाहू।।
कठिन करम गति जान बिधाता। जो सुभ असुभ सकल फल दाता।।
ईस रजाइ सीस सबही कें। उतपति थिति लय बिषहु अमी कें।।
देबि मोह बस सोचिअ बादी। बिधि प्रपंचु अस अचल अनादी।।
भूपति जिअब मरब उर आनी। सोचिअ सखि लखि निज हित हानी।।
सीय मातु कह सत्य सुबानी। सुकृती अवधि अवधपति रानी।।
दोहा/सोरठा
लखनु राम सिय जाहुँ बन भल परिनाम न पोचु।
गहबरि हियँ कह कौसिला मोहि भरत कर सोचु।।282।।
चौपाई
ēhi bidhi sakala manōratha karahīṃ. bacana saprēma sunata mana harahīṃ..
sīya mātu tēhi samaya paṭhāīṃ. dāsīṃ dēkhi suavasaru āīṃ..
sāvakāsa suni saba siya sāsū. āyau janakarāja ranivāsū..
kausalyāom sādara sanamānī. āsana diē samaya sama ānī..
sīlu sanēha sakala duhu ōrā. dravahiṃ dēkhi suni kulisa kaṭhōrā..
pulaka sithila tana bāri bilōcana. mahi nakha likhana lagīṃ saba sōcana..
saba siya rāma prīti ki si mūratī. janu karunā bahu bēṣa bisūrati..
sīya mātu kaha bidhi budhi bāomkī. jō paya phēnu phōra pabi ṭāomkī..
चौपाई
suni sasōca kaha dēbi sumitrā. bidhi gati baḍai biparīta bicitrā..
jō sṛji pālai harai bahōrī. bāla kēli sama bidhi mati bhōrī..
kausalyā kaha dōsu na kāhū. karama bibasa dukha sukha chati lāhū..
kaṭhina karama gati jāna bidhātā. jō subha asubha sakala phala dātā..
īsa rajāi sīsa sabahī kēṃ. utapati thiti laya biṣahu amī kēṃ..
dēbi mōha basa sōcia bādī. bidhi prapaṃcu asa acala anādī..
bhūpati jiaba maraba ura ānī. sōcia sakhi lakhi nija hita hānī..
sīya mātu kaha satya subānī. sukṛtī avadhi avadhapati rānī..
