चौपाई
तापस बेष जनक सिय देखी। भयउ पेमु परितोषु बिसेषी।।
पुत्रि पवित्र किए कुल दोऊ। सुजस धवल जगु कह सबु कोऊ।।
जिति सुरसरि कीरति सरि तोरी। गवनु कीन्ह बिधि अंड करोरी।।
गंग अवनि थल तीनि बड़ेरे। एहिं किए साधु समाज घनेरे।।
पितु कह सत्य सनेहँ सुबानी। सीय सकुच महुँ मनहुँ समानी।।
पुनि पितु मातु लीन्ह उर लाई। सिख आसिष हित दीन्हि सुहाई।।
कहति न सीय सकुचि मन माहीं। इहाँ बसब रजनीं भल नाहीं।।
लखि रुख रानि जनायउ राऊ। हृदयँ सराहत सीलु सुभाऊ।।
दोहा/सोरठा
बार बार मिलि भेंट सिय बिदा कीन्ह सनमानि।
कही समय सिर भरत गति रानि सुबानि सयानि।।287।।
चौपाई
सुनि भूपाल भरत ब्यवहारू। सोन सुगंध सुधा ससि सारू।।
मूदे सजल नयन पुलके तन। सुजसु सराहन लगे मुदित मन।।
सावधान सुनु सुमुखि सुलोचनि। भरत कथा भव बंध बिमोचनि।।
धरम राजनय ब्रह्मबिचारू। इहाँ जथामति मोर प्रचारू।।
सो मति मोरि भरत महिमाही। कहै काह छलि छुअति न छाँही।।
बिधि गनपति अहिपति सिव सारद। कबि कोबिद बुध बुद्धि बिसारद।।
भरत चरित कीरति करतूती। धरम सील गुन बिमल बिभूती।।
समुझत सुनत सुखद सब काहू। सुचि सुरसरि रुचि निदर सुधाहू।।
दोहा/सोरठा
निरवधि गुन निरुपम पुरुषु भरतु भरत सम जानि।
कहिअ सुमेरु कि सेर सम कबिकुल मति सकुचानि।।288।।
चौपाई
tāpasa bēṣa janaka siya dēkhī. bhayau pēmu paritōṣu bisēṣī..
putri pavitra kiē kula dōū. sujasa dhavala jagu kaha sabu kōū..
jiti surasari kīrati sari tōrī. gavanu kīnha bidhi aṃḍa karōrī..
gaṃga avani thala tīni baḍaērē. ēhiṃ kiē sādhu samāja ghanērē..
pitu kaha satya sanēhaom subānī. sīya sakuca mahuom manahuom samānī..
puni pitu mātu līnha ura lāī. sikha āsiṣa hita dīnhi suhāī..
kahati na sīya sakuci mana māhīṃ. ihāom basaba rajanīṃ bhala nāhīṃ..
lakhi rukha rāni janāyau rāū. hṛdayaom sarāhata sīlu subhāū..
चौपाई
suni bhūpāla bharata byavahārū. sōna sugaṃdha sudhā sasi sārū..
mūdē sajala nayana pulakē tana. sujasu sarāhana lagē mudita mana..
sāvadhāna sunu sumukhi sulōcani. bharata kathā bhava baṃdha bimōcani..
dharama rājanaya brahmabicārū. ihāom jathāmati mōra pracārū..
sō mati mōri bharata mahimāhī. kahai kāha chali chuati na chāomhī..
bidhi ganapati ahipati siva sārada. kabi kōbida budha buddhi bisārada..
bharata carita kīrati karatūtī. dharama sīla guna bimala bibhūtī..
samujhata sunata sukhada saba kāhū. suci surasari ruci nidara sudhāhū..
