चौपाई
अगम सबहि बरनत बरबरनी। जिमि जलहीन मीन गमु धरनी।।
भरत अमित महिमा सुनु रानी। जानहिं रामु न सकहिं बखानी।।
बरनि सप्रेम भरत अनुभाऊ। तिय जिय की रुचि लखि कह राऊ।।
बहुरहिं लखनु भरतु बन जाहीं। सब कर भल सब के मन माहीं।।
देबि परंतु भरत रघुबर की। प्रीति प्रतीति जाइ नहिं तरकी।।
भरतु अवधि सनेह ममता की। जद्यपि रामु सीम समता की।।
परमारथ स्वारथ सुख सारे। भरत न सपनेहुँ मनहुँ निहारे।।
साधन सिद्ध राम पग नेहू।।मोहि लखि परत भरत मत एहू।।
दोहा/सोरठा
भोरेहुँ भरत न पेलिहहिं मनसहुँ राम रजाइ।
करिअ न सोचु सनेह बस कहेउ भूप बिलखाइ।।289।।
चौपाई
राम भरत गुन गनत सप्रीती। निसि दंपतिहि पलक सम बीती।।
राज समाज प्रात जुग जागे। न्हाइ न्हाइ सुर पूजन लागे।।
गे नहाइ गुर पहीं रघुराई। बंदि चरन बोले रुख पाई।।
नाथ भरतु पुरजन महतारी। सोक बिकल बनबास दुखारी।।
सहित समाज राउ मिथिलेसू। बहुत दिवस भए सहत कलेसू।।
उचित होइ सोइ कीजिअ नाथा। हित सबही कर रौरें हाथा।।
अस कहि अति सकुचे रघुराऊ। मुनि पुलके लखि सीलु सुभाऊ।।
तुम्ह बिनु राम सकल सुख साजा। नरक सरिस दुहु राज समाजा।।
दोहा/सोरठा
प्रान प्रान के जीव के जिव सुख के सुख राम।
तुम्ह तजि तात सोहात गृह जिन्हहि तिन्हहिं बिधि बाम।।290।।
चौपाई
agama sabahi baranata barabaranī. jimi jalahīna mīna gamu dharanī..
bharata amita mahimā sunu rānī. jānahiṃ rāmu na sakahiṃ bakhānī..
barani saprēma bharata anubhāū. tiya jiya kī ruci lakhi kaha rāū..
bahurahiṃ lakhanu bharatu bana jāhīṃ. saba kara bhala saba kē mana māhīṃ..
dēbi paraṃtu bharata raghubara kī. prīti pratīti jāi nahiṃ tarakī..
bharatu avadhi sanēha mamatā kī. jadyapi rāmu sīma samatā kī..
paramāratha svāratha sukha sārē. bharata na sapanēhuom manahuom nihārē..
sādhana siddha rāma paga nēhū..mōhi lakhi parata bharata mata ēhū..
चौपाई
rāma bharata guna ganata saprītī. nisi daṃpatihi palaka sama bītī..
rāja samāja prāta juga jāgē. nhāi nhāi sura pūjana lāgē..
gē nahāi gura pahīṃ raghurāī. baṃdi carana bōlē rukha pāī..
nātha bharatu purajana mahatārī. sōka bikala banabāsa dukhārī..
sahita samāja rāu mithilēsū. bahuta divasa bhaē sahata kalēsū..
ucita hōi sōi kījia nāthā. hita sabahī kara raurēṃ hāthā..
asa kahi ati sakucē raghurāū. muni pulakē lakhi sīlu subhāū..
tumha binu rāma sakala sukha sājā. naraka sarisa duhu rāja samājā..
