चौपाई
सो सुखु करमु धरमु जरि जाऊ। जहँ न राम पद पंकज भाऊ।।
जोगु कुजोगु ग्यानु अग्यानू। जहँ नहिं राम पेम परधानू।।
तुम्ह बिनु दुखी सुखी तुम्ह तेहीं। तुम्ह जानहु जिय जो जेहि केहीं।।
राउर आयसु सिर सबही कें। बिदित कृपालहि गति सब नीकें।।
आपु आश्रमहि धारिअ पाऊ। भयउ सनेह सिथिल मुनिराऊ।।
करि प्रनाम तब रामु सिधाए। रिषि धरि धीर जनक पहिं आए।।
राम बचन गुरु नृपहि सुनाए। सील सनेह सुभायँ सुहाए।।
महाराज अब कीजिअ सोई। सब कर धरम सहित हित होई।।
दोहा/सोरठा
ग्यान निधान सुजान सुचि धरम धीर नरपाल।
तुम्ह बिनु असमंजस समन को समरथ एहि काल।।291।।
चौपाई
सुनि मुनि बचन जनक अनुरागे। लखि गति ग्यानु बिरागु बिरागे।।
सिथिल सनेहँ गुनत मन माहीं। आए इहाँ कीन्ह भल नाही।।
रामहि रायँ कहेउ बन जाना। कीन्ह आपु प्रिय प्रेम प्रवाना।।
हम अब बन तें बनहि पठाई। प्रमुदित फिरब बिबेक बड़ाई।।
तापस मुनि महिसुर सुनि देखी। भए प्रेम बस बिकल बिसेषी।।
समउ समुझि धरि धीरजु राजा। चले भरत पहिं सहित समाजा।।
भरत आइ आगें भइ लीन्हे। अवसर सरिस सुआसन दीन्हे।।
तात भरत कह तेरहुति राऊ। तुम्हहि बिदित रघुबीर सुभाऊ।।
दोहा/सोरठा
राम सत्यब्रत धरम रत सब कर सीलु सनेहु।।
संकट सहत सकोच बस कहिअ जो आयसु देहु।।292।।
चौपाई
sō sukhu karamu dharamu jari jāū. jahaom na rāma pada paṃkaja bhāū..
jōgu kujōgu gyānu agyānū. jahaom nahiṃ rāma pēma paradhānū..
tumha binu dukhī sukhī tumha tēhīṃ. tumha jānahu jiya jō jēhi kēhīṃ..
rāura āyasu sira sabahī kēṃ. bidita kṛpālahi gati saba nīkēṃ..
āpu āśramahi dhāria pāū. bhayau sanēha sithila munirāū..
kari pranāma taba rāmu sidhāē. riṣi dhari dhīra janaka pahiṃ āē..
rāma bacana guru nṛpahi sunāē. sīla sanēha subhāyaom suhāē..
mahārāja aba kījia sōī. saba kara dharama sahita hita hōī.
चौपाई
suni muni bacana janaka anurāgē. lakhi gati gyānu birāgu birāgē..
sithila sanēhaom gunata mana māhīṃ. āē ihāom kīnha bhala nāhī..
rāmahi rāyaom kahēu bana jānā. kīnha āpu priya prēma pravānā..
hama aba bana tēṃ banahi paṭhāī. pramudita phiraba bibēka baḍaāī..
tāpasa muni mahisura suni dēkhī. bhaē prēma basa bikala bisēṣī..
samau samujhi dhari dhīraju rājā. calē bharata pahiṃ sahita samājā..
bharata āi āgēṃ bhai līnhē. avasara sarisa suāsana dīnhē..
tāta bharata kaha tērahuti rāū. tumhahi bidita raghubīra subhāū..
