चौपाई
सभा सकुच बस भरत निहारी। रामबंधु धरि धीरजु भारी।।
कुसमउ देखि सनेहु सँभारा। बढ़त बिंधि जिमि घटज निवारा।।
सोक कनकलोचन मति छोनी। हरी बिमल गुन गन जगजोनी।।
भरत बिबेक बराहँ बिसाला। अनायास उधरी तेहि काला।।
करि प्रनामु सब कहँ कर जोरे। रामु राउ गुर साधु निहोरे।।
छमब आजु अति अनुचित मोरा। कहउँ बदन मृदु बचन कठोरा।।
हियँ सुमिरी सारदा सुहाई। मानस तें मुख पंकज आई।।
बिमल बिबेक धरम नय साली। भरत भारती मंजु मराली।।
दोहा/सोरठा
निरखि बिबेक बिलोचनन्हि सिथिल सनेहँ समाजु।
करि प्रनामु बोले भरतु सुमिरि सीय रघुराजु।।297।।
चौपाई
प्रभु पितु मातु सुह्रद गुर स्वामी। पूज्य परम हित अतंरजामी।।
सरल सुसाहिबु सील निधानू। प्रनतपाल सर्बग्य सुजानू।।
समरथ सरनागत हितकारी। गुनगाहकु अवगुन अघ हारी।।
स्वामि गोसाँइहि सरिस गोसाई। मोहि समान मैं साइँ दोहाई।।
प्रभु पितु बचन मोह बस पेली। आयउँ इहाँ समाजु सकेली।।
जग भल पोच ऊँच अरु नीचू। अमिअ अमरपद माहुरु मीचू।।
राम रजाइ मेट मन माहीं। देखा सुना कतहुँ कोउ नाहीं।।
सो मैं सब बिधि कीन्हि ढिठाई। प्रभु मानी सनेह सेवकाई।।
दोहा/सोरठा
कृपाँ भलाई आपनी नाथ कीन्ह भल मोर।
दूषन भे भूषन सरिस सुजसु चारु चहु ओर।।298।।
चौपाई
sabhā sakuca basa bharata nihārī. rāmabaṃdhu dhari dhīraju bhārī..
kusamau dēkhi sanēhu saombhārā. baḍhata biṃdhi jimi ghaṭaja nivārā..
sōka kanakalōcana mati chōnī. harī bimala guna gana jagajōnī..
bharata bibēka barāhaom bisālā. anāyāsa udharī tēhi kālā..
kari pranāmu saba kahaom kara jōrē. rāmu rāu gura sādhu nihōrē..
chamaba āju ati anucita mōrā. kahauom badana mṛdu bacana kaṭhōrā..
hiyaom sumirī sāradā suhāī. mānasa tēṃ mukha paṃkaja āī..
bimala bibēka dharama naya sālī. bharata bhāratī maṃju marālī..
चौपाई
prabhu pitu mātu suhrada gura svāmī. pūjya parama hita ataṃrajāmī..
sarala susāhibu sīla nidhānū. pranatapāla sarbagya sujānū..
samaratha saranāgata hitakārī. gunagāhaku avaguna agha hārī..
svāmi gōsāomihi sarisa gōsāī. mōhi samāna maiṃ sāiom dōhāī..
prabhu pitu bacana mōha basa pēlī. āyauom ihāom samāju sakēlī..
jaga bhala pōca ūomca aru nīcū. amia amarapada māhuru mīcū..
rāma rajāi mēṭa mana māhīṃ. dēkhā sunā katahuom kōu nāhīṃ..
sō maiṃ saba bidhi kīnhi ḍhiṭhāī. prabhu mānī sanēha sēvakāī..
