चौपाई
बिदा कीन्ह सनमानि निषादू। चलेउ हृदयँ बड़ बिरह बिषादू।।
कोल किरात भिल्ल बनचारी। फेरे फिरे जोहारि जोहारी।।
प्रभु सिय लखन बैठि बट छाहीं। प्रिय परिजन बियोग बिलखाहीं।।
भरत सनेह सुभाउ सुबानी। प्रिया अनुज सन कहत बखानी।।
प्रीति प्रतीति बचन मन करनी। श्रीमुख राम प्रेम बस बरनी।।
तेहि अवसर खग मृग जल मीना। चित्रकूट चर अचर मलीना।।
बिबुध बिलोकि दसा रघुबर की। बरषि सुमन कहि गति घर घर की।।
प्रभु प्रनामु करि दीन्ह भरोसो। चले मुदित मन डर न खरो सो।।
दोहा/सोरठा
सानुज सीय समेत प्रभु राजत परन कुटीर।
भगति ग्यानु बैराग्य जनु सोहत धरें सरीर।।321।।
चौपाई
मुनि महिसुर गुर भरत भुआलू। राम बिरहँ सबु साजु बिहालू।।
प्रभु गुन ग्राम गनत मन माहीं। सब चुपचाप चले मग जाहीं।।
जमुना उतरि पार सबु भयऊ। सो बासरु बिनु भोजन गयऊ।।
उतरि देवसरि दूसर बासू। रामसखाँ सब कीन्ह सुपासू।।
सई उतरि गोमतीं नहाए। चौथें दिवस अवधपुर आए।
जनकु रहे पुर बासर चारी। राज काज सब साज सँभारी।।
सौंपि सचिव गुर भरतहि राजू। तेरहुति चले साजि सबु साजू।।
नगर नारि नर गुर सिख मानी। बसे सुखेन राम रजधानी।।
दोहा/सोरठा
राम दरस लगि लोग सब करत नेम उपबास।
तजि तजि भूषन भोग सुख जिअत अवधि कीं आस।।322।।
चौपाई
bidā kīnha sanamāni niṣādū. calēu hṛdayaom baḍa biraha biṣādū..
kōla kirāta bhilla banacārī. phērē phirē jōhāri jōhārī..
prabhu siya lakhana baiṭhi baṭa chāhīṃ. priya parijana biyōga bilakhāhīṃ..
bharata sanēha subhāu subānī. priyā anuja sana kahata bakhānī..
prīti pratīti bacana mana karanī. śrīmukha rāma prēma basa baranī..
tēhi avasara khaga mṛga jala mīnā. citrakūṭa cara acara malīnā..
bibudha bilōki dasā raghubara kī. baraṣi sumana kahi gati ghara ghara kī..
prabhu pranāmu kari dīnha bharōsō. calē mudita mana ḍara na kharō sō..
चौपाई
muni mahisura gura bharata bhuālū. rāma birahaom sabu sāju bihālū..
prabhu guna grāma ganata mana māhīṃ. saba cupacāpa calē maga jāhīṃ..
jamunā utari pāra sabu bhayaū. sō bāsaru binu bhōjana gayaū..
utari dēvasari dūsara bāsū. rāmasakhāom saba kīnha supāsū..
saī utari gōmatīṃ nahāē. cauthēṃ divasa avadhapura āē.
janaku rahē pura bāsara cārī. rāja kāja saba sāja saombhārī..
sauṃpi saciva gura bharatahi rājū. tērahuti calē sāji sabu sājū..
nagara nāri nara gura sikha mānī. basē sukhēna rāma rajadhānī..
